ମୁମ୍ବାଇ: ମନୋରଞ୍ଜନ ଦୁନିଆର ଆଗଧାଡିର ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ କ୍ୟାରିୟର ଏବେ ଖୁବ ଉଚ୍ଚରେ। ତାଙ୍କୁ ବଲିଉଡରେ ପସନ୍ଦ କରାଯାଉଛି। କିନ୍ତୁ ପ୍ରିୟଙ୍କା ଚୋପ୍ରାଙ୍କ ପାଇଁ ତାଙ୍କ ପରିବାର ପ୍ରଥମେ ଆସନ୍ତି । ଏକ ସାକ୍ଷାତକାରରେ ପ୍ରିୟଙ୍କା ଚୋପ୍ରା ପ୍ରକାଶ କରିଛନ୍ତି ଯେ ସେ ଖୁସିରେ ତାଙ୍କ ଝିଅ ମାଳତି ପାଇଁ କ୍ୟାରିୟର ଛାଡିବେ। ତାଙ୍କ ପିତାମାତାଙ୍କ ଉଦାହରଣ ଦେଇ ପ୍ରିୟଙ୍କା କହିଥିଲେ ଯେ ସେମାନେ ତାଙ୍କ ସହ କିପରି ଯାତ୍ରା କରୁଥିଲେ। ତା’ପରେ ପ୍ରିୟଙ୍କା ଚୋପ୍ରା ତାଙ୍କ ନିଷ୍ପତ୍ତି ଗ୍ରହଣ କଲେ।
ସେ ଭାବୁଥିଲେ ଯେ ତାଙ୍କ କ୍ୟାରିୟର ଗୁରୁତ୍ୱପୂର୍ଣ୍ଣ । ପିଲାମାନଙ୍କ ପାଇଁ ଆଡଜଷ୍ଟମେଣ୍ଟ କରିବା ପିତାମାତାଙ୍କ ଦାୟିତ୍ୱ। ବର୍ତ୍ତମାନ ଯେତେବେଳେ ପ୍ରିୟଙ୍କାଙ୍କୁ ୪୦ ବର୍ଷ ବୟସ ସେତେବେଳେ ତାଙ୍କ ନିକଟରେ ତାଙ୍କର ଗୋଟିଏ ଝିଅ ବି ରହିଛି। ଏବେ ତାଙ୍କର ମତ ବଦଳି ଯାଇଛି। ସେ ନିଜ ଝିଅ ପାଇଁ କ୍ୟାରିୟର ଛାଡିବାକୁ ମଧ୍ୟ ପ୍ରସ୍ତୁତ। ପ୍ରିୟଙ୍କା କୁହନ୍ତି- ଯଦି କେହି ମୋତେ ମୋର କ୍ୟାରିଅର୍ ଛାଡି ଅନ୍ୟ ଦେଶରେ ବସବାସ କରିବାକୁ କହିଥିଲେ, ମୁଁ ମୋ ଝିଅ ପାଇଁ ବିନା ପ୍ରଶ୍ନରେ ଏହା କରିବି ବୋଲି ପିସି କହିଛନ୍ତି।