ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ମା’ ହେବା ପରେ ଅଧିକାଂଶ ସମୟ ଝିଅ ମାଳତୀ ମେରିଙ୍କ ସହ ବିତାଉଛନ୍ତି। ନିକଟରେ ସେ ଝିଅ ସହ ପ୍ରଥମ ଫଟୋଶୁଟ କରିଛନ୍ତି। ଯାହାର ଝଲକ ସେ ପ୍ରଶଂସକଙ୍କୁ ଦେଖାଇଛନ୍ତି। ତେବେ ଏଥର ମଧ୍ୟ ପ୍ରିୟଙ୍କା ଝିଅର ଚେହେରା ଦେଖାଇ ନାହାଁନ୍ତି। ପ୍ରଶଂସକମାନେ ମା’-ଝିଅର ସୁନ୍ଦର ଫଟୋକୁ ପ୍ରଶଂସା କରୁଛନ୍ତି।
ଇନଷ୍ଟାଗ୍ରାମ ଆକାଉଣ୍ଟରେ ମାଳତୀଙ୍କ ସହ ପ୍ରଥମ ଫଟୋଶୁଟର ଫଟୋ ପୋଷ୍ଟ କରିଛନ୍ତି। ଫଟୋରେ ପ୍ରିୟଙ୍କା ଚଟାଣରେ ବସି ପୋଜ ଦେଉଛନ୍ତି। ସେ ଏକ ଲାଲ ରଙ୍ଗର ଡ୍ରେସ୍ ପିନ୍ଧିଛନ୍ତି, ଏଥିରେ ସେ ବହୁତ ଗ୍ଲାମରସ ଦେଖାଯାଉଛନ୍ତି। ଏଥି ସହିତ ମାଳତୀ ମଧ୍ୟ ମେଳ ଖାଉଥିବା ରଙ୍ଗର ପୋଷାକ ପିନ୍ଧିଛନ୍ତି। ଫଟୋଶୁଟ ସମୟରେ ପ୍ରିୟଙ୍କା ତାଙ୍କ ଝିଅର ମୁହଁ ଲୁଚାଇ ରଖିଛନ୍ତି। ପ୍ରିୟଙ୍କା ଏବଂ ତାଙ୍କ ସ୍ବାମୀ ନିକ ଜୋନାସ ଗତ ବର୍ଷ ସରୋଗେସି ମାଧ୍ୟମରେ ଝିଅକୁ ସ୍ବାଗତ କରିଥିଲେ।
ପ୍ରିୟଙ୍କା ଚୋପ୍ରା ଖୁବ ଶୀଘ୍ର ଫରହାନ ଅଖତରଙ୍କ ନିର୍ଦ୍ଦେଶିତ ବଲିଉଡ ଫିଲ୍ମ ‘ଜି ଲେ ଜାରା’ରେ ନଜର ଆସିବେ। ଏହା ବ୍ୟତୀତ ତାଙ୍କୁ ହଲିଉଡ ଫିଲ୍ମ ଲଭ ଏଗେନ୍ ଆଣ୍ଡ୍ ଏଣ୍ଡିଙ୍ଗ ଥିଙ୍ଗ୍ସରେ ଦେଖିବାକୁ ମିଳିବ। ପ୍ରିୟଙ୍କା ପ୍ରାଇମ ଭିଡିଓର ୱେବ ସିରିଜ ସିଟାଡେଲ ସହ ଡିଜିଟାଲ ଡେବ୍ୟୁ କରିବାକୁ ଯାଉଛନ୍ତି। ଏହି ସିରିଜ ରୁଷୋ ବ୍ରଦର୍ସ ଦ୍ୱାରା ପ୍ରସ୍ତୁତ କରାଯାଇଛି।