ଲକ୍ଷ୍ନୌ,୧ ।୧୧: ଉତ୍ତର ପ୍ରଦେଶ ବିଧାନସଭା ନିର୍ବାଚନ ଉପରେ କଂଗ୍ରେସ ଖୁବ୍ ଯୋର ଦେଉଛି । ଏବେ ମହିଳା ଭୋଟ ବ୍ୟାଙ୍କ ଉପରେ କଂଗ୍ରେସର ନଜର ରହିଛି । କିଛଦିନ ତଳ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ମହିଳାଙ୍କ ପାଇଁ ୪୦ ପ୍ରତିଶତ ସିଟ୍ ସଂରକ୍ଷଣ କଥା ଘୋଷଣା କରିଥିବା ବେଳେ ମାଗଣାରେ ଛାତ୍ରୀଙ୍କୁ ସ୍ମାର୍ଟଫୋନ ଓ ସ୍କୁଟି ଦେବାକୁ କହିଥିଲେ । ଏହାପରେ ପୁଣିଥରେ ସୋମବାର ସକାଳରେ ଟୁଇଟ୍ କରି ପ୍ରିୟଙ୍କା ମହିଳାଙ୍କ ପାଇଁ ଭିନ୍ନ ଏକ ଘୋଷଣା ପତ୍ର ଜାରି କରାଯିବା କଥା କହିଛନ୍ତି । ଏଥିରେ ସେ ମହିଳାଙ୍କୁ ସରକାରୀ ବସରେ ମାଗଣା ଯାତ୍ରା ସହ ବର୍ଷକୁ ଗ୍ୟାସ ଭର୍ତ୍ତି ୩ଟି ସିଲିଣ୍ଡର ମାଗଣା ଦେବାକଥା ଉଲ୍ଲେଖ କରିଛନ୍ତି । କେବଳ ସେତିକି ନୁହେଁ ଆଶା ଓ ଅଙ୍ଗନୱାଡି କର୍ମୀଙ୍କୁ ମାସକୁ ୧୦ ହଜାର ଟଙ୍କା, ବିଧବା ଓ ବୁଦ୍ଧାଙ୍କୁ ୧୦୦୦ଟଙ୍କା ଭତ୍ତା, ସରକାରୀ ଚାକିରି କ୍ଷେତ୍ରରେ ମହିଳାଙ୍କ ପାଇଁ ୪୦ ପ୍ରତିଶତ ସ୍ଥାନ ସଂରକ୍ଷଣ ଦେବା କଥା ପ୍ରିୟଙ୍କା ତାଙ୍କ ଘୋଷଣାପତ୍ରରେ ଉଲ୍ଲେଖ କରିଛନ୍ତି । କଂଗ୍ରେସ ସରକାର ଆସିଲେ ରାଜ୍ୟରେ ମହିଳାମାନଙ୍କୁ ସ୍ୱତନ୍ତ୍ର ସୁବିଧା ସୁଯୋଗ ଯୋଗାଇ ଦେବାକୁ କଂଗ୍ରେସ ତା’ର ଘୋଷଣା ପତ୍ରର ଜାରି କରି ମହିଳା ଭୋଟଙ୍କୁ ହାତେଇବାକୁ ଏବେଠାରୁ ପ୍ରୟାସ କଲାଣି ବୋଲି ଆଲୋଚନା ହେଉଛି ।
उप्र की मेरी प्रिय बहनों,
आपका हर दिन संघर्षों से भरा है। कांग्रेस पार्टी ने उसको समझते हुए आपके लिए अलग से एक महिला घोषणा पत्र तैयार किया है।कांग्रेस पार्टी की सरकार बनने पर
सालाना भरे हुए 3 सिलेंडर मुफ्त दिए जायेंगे।
प्रदेश की सरकारी बसों में महिलाओं के लिए यात्रा मुफ्त pic.twitter.com/8P6BJwoAaE
— Priyanka Gandhi Vadra (@priyankagandhi) November 1, 2021
