ଲକ୍ଷ୍ନୌ,୫ ।୧୦: ଲକ୍ଷ୍ମୀପୁର ଖେରି ମାମଲାରେ କୃଷକ ଓ ପ୍ରଶାସନ ମଧ୍ୟରେ ସୋମବାର କଥାବାର୍ତ୍ତା ହୋଇଯାଇଛି । କେବଳ ଏତିକି ନୁହେଁ ଗିରଫ କରାଯାଇଥିବା ନେତାଙ୍କୁ ମଧ୍ୟ ପୋଲିସ ଛାଡି ଦେଇଛି । ହେଲେ କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଏବେବି ନଜରବନ୍ଦୀ ଅଛନ୍ତି । ସେ ଜିଦ୍ରେ ବସିଛନ୍ତି କି ଲକ୍ଷ୍ମୀପୁର ଖେରି ଗସ୍ତ କରିବେ । ସେ ମୃତ କୃଷକଙ୍କ ପରିବାର ସହ ଭେଟି ଫେରିବେ ବୋଲି କହିଛନ୍ତି । ବିରୋଧ ସ୍ୱରୂପ ସେ ଉପବାସରେ ଥିବା ଜଣାପଡିଛି । ଏହାକୁ ନେଇ ପ୍ରିୟଙ୍କା କହିଛନ୍ତି ଅନ୍ନଦାତା କଷ୍ଟରେ ଅଛନ୍ତି ସେଥିପାଇଁ ସେ ଅନ୍ନ ଗ୍ରହଣ କରୁ ନାହାନ୍ତି । ଅନ୍ୟପଟେ ସୀତାପୁର ଗେଷ୍ଟ ହାଉସ ବାହାରେ କଂଗ୍ରେସ ସମର୍ଥକଙ୍କ ବିରୋଧ ଜାରି ରହିଛି । ସେମାନେ ସରକାର ବିରୋଧି ସ୍ଲୋଗାନ ଦେଇ ଚାଲିଛନ୍ତି । ବିରୋଧ ପ୍ରଦର୍ଶନ କରୁଥିବା କର୍ମୀମାନେ ପ୍ରିୟଙ୍କାଙ୍କୁ ଛାଡି ଦେବାକୁ ଦାବି କରିଛନ୍ତି ।
