ନୂଆଦିଲ୍ଲୀ,୧୯।୯: ବିରୋଧୀ ମିଳିତ ମେଣ୍ଟ ‘ଇଣ୍ଡିଆ’ରେ ବିଏସପିକୁ ଆଣିବା ପାଇଁ ଆଭ୍ୟନ୍ତରୀଣ ପ୍ରୟାସ କରାଯାଉଛି। ଏଥିରେ କଂଗ୍ରେସ ସୁତ୍ରଧାର ଭୂମିକା ଗ୍ରହଣ କରୁଛି। ଯଦି ସବୁକିଛି ଏହିପରି ଚାଲିଥାଏ ତେବେ ପାଞ୍ଚଟି ରାଜ୍ୟରେ ନିର୍ବାଚନ ପରେ ଏହାର ସରକାରୀ ଘୋଷଣା କରାଯାଇପାରେ।
ଲୋକସଭା ନିର୍ବାଚନରେ ଜିତିବା ପାଇଁ ଇଣ୍ଡିଆ ଆଲାଇନ୍ସ କୌଣସି ସୁଯୋଗକୁ ଛାଡିବାକୁ ଚାହୁଁନାହିଁ। ବିଏସ୍ପିକୁ ଏକାଠି କରିବା ପାଇଁ ପ୍ରୟାସ ଏହାର ରଣନୀତିର ଏକ ଅଂଶ। ୟୁପି ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଏବଂ ବିଏସପିର ଶୀର୍ଷ ନେତୃତ୍ୱ ମଧ୍ୟରେ ଅନେକ ଆଲୋଚନା ଆରମ୍ଭ ହୋଇଥିଲା। ସେହି ସମୟରେ ଏହି ବାର୍ତ୍ତାଳାପ ଏହାର ଶେଷ ପର୍ଯ୍ୟାୟରେ ପହଞ୍ଚି ପାରି ନ ଥିଲା, କିନ୍ତୁ ସେବେଠାରୁ ଉଭୟଙ୍କ ମଧ୍ୟରେ କଥାବାର୍ତ୍ତା ଚାଲିଥିଲା। ରାଜନୈତିକ ସୂତ୍ର ଅନୁଯାୟୀ ଗତ ମାସରେ କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଏବଂ ବିଏସପି ସୁପ୍ରିମୋ ମାୟାବତୀଙ୍କ ମଧ୍ୟରେ ଏକ ବୈଠକ ହୋଇଥିଲା।
ସୂଚନାଯୋଗ୍ୟ, କାହା ସହ ମେଣ୍ଟ ନ କରି ଏକୁଟିଆ ଲଢିବେ ବୋଲି ଏସ୍ପି ସୁପ୍ରିମୋ ମାୟାବତୀ ପୂର୍ବରୁ ଘୋଷଣା କରିସାରିଛନ୍ତି।