ଅଭିନେତ୍ରୀ ପ୍ରିୟଙ୍କା ଚୋପ୍ରା ସୋସିଆଲ ମିଡିଆରେ ବହୁତ ସକ୍ରିୟ ଅଛନ୍ତି। ସେ ବିଭିନ୍ନ ଫଟୋ ନିଜ ପ୍ରଶଂସକଙ୍କ ସହ ଶେୟାର କରିଥନ୍ତି। ନିକଟରେ ସୋସିଆଲ ମିଡିଆରେ ଆଉ ଏକ ପୋଷ୍ଟ ଶେୟାର କରିଛନ୍ତି। ଯଦିଓ ସ୍ବାମୀ ନିକ ଜୋନାସ ପ୍ରିୟଙ୍କାଙ୍କ ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ତଥାପି ଅନ୍ୟ ଜଣେ ଅଛନ୍ତି ଯିଏ ତାଙ୍କ ଆଖିରେ ନିକଙ୍କଠାରୁ ଅଧିକ ଗୁରୁତ୍ୱପୂର୍ଣ୍ଣ। ଏହା ଅନ୍ୟ କେହି ନୁହଁନ୍ତି ପ୍ରିୟଙ୍କା ଚୋପ୍ରାଙ୍କ ପୋଷା କୁକୁର ପାଣ୍ଡା। ପ୍ରିୟଙ୍କ କହିଛନ୍ତି ଶୁଟିଂ ସେଟ୍ରେ ସେ ପାଣ୍ଡାକୁ ବହୁତ୍ ମିସ୍ କରୁଛନ୍ତି। ପ୍ରିୟଙ୍କ ପାଣ୍ଡା ସହ ଏକ ଫଟୋ ଶେୟାର କରିଛନ୍ତି। ଫଟୋରେ ସେ କୁକୁରକୁ ଆଲିଙ୍ଗନ କରି ବସିଛନ୍ତି। ସୂଚନାଯୋଗ୍ୟ, ପ୍ରିୟଙ୍କା ଚୋପ୍ରା ତାଙ୍କର ନୂଆ ପ୍ରୋଜେକ୍ଟ ଦ ହ୍ବାଇଟ ଟାଇଗର ଯୋଗୁ ଏବେ ଚର୍ଚ୍ଚାରେ ଅଛନ୍ତି। ଏହି ଫିଲ୍ମରେ ରାଜକୁମାର ରାଓଙ୍କ ସହ ସେ ପ୍ରଥମ ଥର ନଜର ଆସିବେ।