ନିକଟରେ ବ୍ରିଟେନ ପ୍ରିନ୍ସ ହ୍ୟାରି ଓ ସ୍ତ୍ରୀ ମେଘାନ ମର୍କେଲଙ୍କ ସାକ୍ଷାତ୍କାର ନେଇ ଚର୍ଚ୍ଚାରେ ଥିବା ଆମେରିକାର ଜଣାଶୁଣା ଟେଲିଭିଜନ ଉପସ୍ଥାପକ ଓପ୍ରାହ ଓ୍ବିନଫ୍ରି(୬୭)ଙ୍କ ପରବର୍ତ୍ତୀ ଗେଷ୍ଟ ହେବେ ବଲିଉଡ୍ ଷ୍ଟାର ପ୍ରିୟଙ୍କା ଚୋପ୍ରା। ଆତ୍ମଜୀବନୀ ‘ଅନ୍ଫିନିଶ୍ଡ’ର ପ୍ରମୋଶନ ପାଇଁ ବ୍ୟସ୍ତ ଥିବା ପ୍ରିୟଙ୍କା ଏବେ ‘ସୁପର ସୋଲ୍’ ଶୋରେ ଓପ୍ରାହଙ୍କ ପ୍ରଶ୍ନର ଉତ୍ତର ରଖିବେ। ଏହି ସାକ୍ଷାତ୍କାରର ପ୍ରିମିୟର ଆସନ୍ତା ୨୦ ତାରିଖରେ ଡିସ୍କଭରି ପ୍ଲସ୍ରେ ଟେଲିକାଷ୍ଟ ହେବ। ସଭିଁଙ୍କ ପାଇଁ ପ୍ରେରଣା ପାଲଟିଥିବା ବ୍ୟକ୍ତିବିଶେଷଙ୍କ ସହ ଖୋଲା କଥା ହେବା ଏବଂ ସେମାନଙ୍କ ମୁହଁରୁ ଜୀବନର ମାନେ ଜାଣିବା ପାଇଁ ସେ ବେଶ୍ ଉତ୍ସୁକ ବୋଲି ଓପ୍ରାହ କହିଛନ୍ତି।
