ବେଙ୍ଗାଲୁରୁ,୨୬।୪ : କର୍ନାଟକ ନିର୍ବାଚନରେ ରାଜନୈତିକ ଦଳ ଓ ନେତାମାନେ ନୂଆ କୌଶଳ ଦେଖାଉଥିବା ଥିବା ଦେଖାଯାଉଛି। ପ୍ରତିଦିନ ପ୍ରଚାର ମଧ୍ୟରେ କିଛି ନୂଆ ଦେଖିବାକୁ ମିଳୁଥିଲା। କଂଗ୍ରେସର ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ଏକ ଭିଡିଓ ଟୁଇଟ କରିଛନ୍ତି। ଏଥିରେ ସେ ଦୋସା ତିଆରି କରୁଥିବା ଦେଖିବାକୁ ମିଳିଛି। ପ୍ରିୟଙ୍କାଙ୍କର ଦୋସା ରାଜନୀତି ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।
କଂଗ୍ରେସ ଏହାର ଅଫିସିଆଲ ଟୁଇଟର ହ୍ୟାଣ୍ଡେଲରୁ ଏହି ଦୋସା ତିଆରି କରୁଥିବା ଭିଡିଓ ମଧ୍ୟ ଟୁଇଟ କରିଛି। ପ୍ରିୟଙ୍କା ଗାନ୍ଧୀ ଦୋସା ତାୱାରେ ଦୋସା ତିଆରି କରୁଥିବା ଦେଖାଯାଉଛି। ବାସ୍ତବରେ, ଦୋସା ହେଉଛି ଦକ୍ଷିଣ ଭାରତର ମୁଖ୍ୟ ଖାଦ୍ୟ । ବର୍ତ୍ତମାନ ପ୍ରିୟଙ୍କା କର୍ନାଟକର ଲୋକଙ୍କୁ ଏହା କହିବାକୁ ଚାହାଁନ୍ତି, ସେ ଆପଣଙ୍କ ରୋଷେଇ ଘରେ କରୁଥିବା ଖାଦ୍ୟକୁ ସେ ସହଜରେ ପ୍ରସ୍ତୁତ କରିପାରିବେ। ଏହା ହେଉଛି ଉପାୟ ଯାହା ଦ୍ୱାରା ସେ ରାଜ୍ୟ ଲୋକଙ୍କ ହୃଦୟରେ ଏକ ସ୍ଥାନ ସୃଷ୍ଟି କରିବାର ପ୍ରୟାସ କରୁଛନ୍ତି।