ମୁମ୍ବାଇ: ବଲିଉଡ୍ରେ ଏକ ସଫଳ ଇନିଂସ ଖେଳିବା ପରେ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ହଲିଉଡ୍ରେ ମଧ୍ୟ ବହୁତ ଭଲ କାମ କରୁଛନ୍ତି। ପ୍ରିୟଙ୍କା ତାଙ୍କ ଆମେରିକୀୟ ସ୍ବାମୀ ନିକ୍ ଜୋନାସ ଏବଂ ଝିଅ ମାଳତୀ ମେରିଙ୍କ ସହିତ ସମୟ ବିତାଉଛନ୍ତି। ସେ ଭାରତଠାରୁ ଦୂରରେ ଅଛନ୍ତି ସତ କିନ୍ତୁ ସେ କୌଣସି ନା କୌଣସି ଖବରକୁ ନେଇ ଚର୍ଚ୍ଚାରେ ରହୁଛନ୍ତି। ଏସବୁ ମଧ୍ୟରେ ତାଙ୍କ ସ୍ନେହୀ ସ୍ବାମୀ ନିକ୍ କହିଛନ୍ତି, ଦୀର୍ଘଦିନ ଧରି ସେ ଟାଇପ -୧ ଡାଇବେଟିସ ସହିତ ସଂଘର୍ଷ କରିଆସୁଛନ୍ତି। ଏଭଳି ପରିସ୍ଥିତିରେ ପ୍ରିୟଙ୍କା ତାଙ୍କର ବିଶେଷ ଯତ୍ନ ନିଅନ୍ତି।
ଏକ ସାକ୍ଷାତକାରରେ ନିକ୍ କହିଛନ୍ତି, ପ୍ରାରମ୍ଭିକ ଦିନରେ ଯେତେବେଳେ ତାଙ୍କ ଝିଅ ଘରେ ଖେଳିବା ବୟସରେ ତାଙ୍କ ରକ୍ତରେ ଶର୍କରା କମିଗଲା। ସେହି ସମୟରେ ତାଙ୍କ ଝିଅର ଧ୍ୟାନ ନେବାର ଆବଶ୍ୟକ ଥିଲା। ଏହା ତାଙ୍କ ପାଇଁ ଏକ ଭିନ୍ନ ଅନୁଭୂତି ଥିଲା। ଏହା ପରେ ସେ ଭାବିଲେ ଦିନେ ସେ ତାଙ୍କ ଝିଅକୁ ତାଙ୍କ ସମସ୍ୟା ବିଷୟରେ ବୁଝାଇବେ ଯେ, ତାଙ୍କ ପିତା ତାଙ୍କ ଆବଶ୍ୟକତା ପୂରଣ କରିବା ପାଇଁ କାହିଁକି କିଛି ସମୟ ନିଅନ୍ତି।
ନିକ୍ ପ୍ରିୟଙ୍କାଙ୍କୁ ଆହୁରି ପ୍ରଶଂସା କରି କହିଛନ୍ତି, ଯେତେବେଳେ ବି ସେ ବାହାରକୁ ଯାଆନ୍ତି କିମ୍ବା ଏକ କନ୍ସର୍ଟରେ ଯୋଗ ଦିଅନ୍ତି, ପ୍ରିୟଙ୍କା ନମ୍ବର ଆପ ମାଧ୍ୟମରେ ତାଙ୍କ ବ୍ଲଡ୍ ସୁଗାରକୁ ଚେକ୍ କରନ୍ତି। ଏହି ସମୟରେ ଯେତେବେଳେ ବି ସେ ତାଙ୍କ ଶର୍କରାସ୍ତର ଅଧିକ ଅନୁଭବ କରନ୍ତି, ପ୍ରିୟଙ୍କା ତାଙ୍କୁ ସତର୍କ କରାନ୍ତି। ପ୍ରିୟଙ୍କା କେବଳ ତାଙ୍କ ଡାଇବେଟିସ ବିଷୟରେ ସଚେତନ ନୁହନ୍ତି ବରଂ ସେ ଜଣେ ମା’ ହିସାବରେ ଜାଣିଛନ୍ତି କ’ଣ କେତେବେଳେ କରାଯିବା ଉଚିତ।
