ନୂଆଦିଲ୍ଲୀ,୧୦ା୪: ଦେଶର ସଡ଼କ ପରିବହନ ଓ ରାଜପଥ କ୍ଷେତ୍ରରେ ଚାଲିଥିବା ପ୍ରକଳ୍ପଗୁଡ଼ିକ ସର୍ବାଧିକ ବିଳମ୍ବିତ ହୋଇଥିବା ଏକ ସରକାରୀ ରିପୋର୍ଟରୁ ଜଣାପଡ଼ିଛି। ଉକ୍ତ ରିପୋର୍ଟ ଅନୁସାରେ ସଡ଼କ ପରିବହନ ଓ ରାଜପଥ କ୍ଷେତ୍ରରେ ୭୧୭ ପ୍ରକଳ୍ପ ମଧ୍ୟରୁ ୪୦୭ ବିଳମ୍ବିତ ହେଇଥିବାବେଳେ ରେଳପଥର ୧୧୪, ପେଟ୍ରୋଲିୟମ୍ ଶିଳ୍ପର ୮୬ ପ୍ରୋଜେକ୍ଟ ବିଳମ୍ବିତ ହୋଇଛି।
କ୍ଷେତ୍ରରେ ୧୭୩ ପ୍ରକଳ୍ପ ମଧ୍ୟରୁ ୧୧୪ ପ୍ରୋଜେକ୍ଟ କାର୍ଯ୍ୟ ମନ୍ଥର ଗତିରେ ଚାଲୁଛି। ପେଟ୍ରୋଲିୟମ୍ ସେକ୍ଟରର ୧୪୬ ପ୍ରକଳ୍ପ ମଧ୍ୟରୁ ୮୬ଟି ପଛରେ ପଡ଼ିଯାଇଥିବା ଭିତ୍ତିଭୂମି ପ୍ରକଳ୍ପ ଫ୍ଲାସ୍ ରିପୋର୍ଟ ୨୦୨୩ ଫେବୃୟାରୀରୁ ଜଣାପଡ଼ିଛି। ୧୫୦ କୋଟି ଟଙ୍କାରୁ ଊର୍ଦ୍ଧ୍ୱ ମୂଲ୍ୟର କେନ୍ଦ୍ରୀୟ ଭିତ୍ତିଭୂମି ପ୍ରକଳ୍ପଗୁଡ଼ିକର ତଦାରଖ କାର୍ଯ୍ୟ ପରିସଂଖ୍ୟାନ ଓ କାର୍ଯ୍ୟାନ୍ବୟନ ମନ୍ତ୍ରଣାଳୟ ଅଧୀନ ଇନ୍ଫ୍ରାଷ୍ଟକ୍ଚର ଆଣ୍ଡ୍ ପ୍ରୋଜେକ୍ଟ ମନିଟରିଂ ଡିଭିଜନ୍ (ଆଇପିଏମ୍ଡି) କରିଥାଏ। ରିପୋର୍ଟ ଅନୁସାରେ ମୁନିରାବାଦ-ମହବୁବ୍ନଗର ରେଳ ପ୍ରକଳ୍ପ ସର୍ବାଧିକ ୨୭୬ ମାସ ବିଳମ୍ବିତ ହୋଇଛି। ଦ୍ୱିତୀୟ ସର୍ବାଧିକ ବିଳମ୍ବିତ ପ୍ରକଳ୍ପ ହେଉଛି ଉଦ୍ଧମପୁର-ଶ୍ରୀନଗର-ବାରମୂଲା ରେଳ ପ୍ରୋଜେକ୍ଟ, ଯାହାକି ୨୪୭ ମାସ ପଛେଇଯାଇଛି। ତୃତୀୟ ସର୍ବାଧିକ ବିଳମ୍ବିତ ପ୍ରକଳ୍ପ ହେଉଛି ବେଲାପୁର-ସିଉଡ୍-ଅର୍ବାନ ଇଲେକ୍ଟ୍ରିଫାଏଡ୍ ଡବଲ୍ ଲାଇନ୍, ଯାହାକି ନିର୍ଦ୍ଧାରିତ ସମୟଠାରୁ ୨୨୮ ମାସ ପଛରେ ପଡ଼ିଯାଇଛି।
ଫ୍ଲାସ୍ ରିପୋର୍ଟରେ ୧,୪୧୮ ସେଣ୍ଟ୍ରାଲ ସେକ୍ଟର ଇନ୍ଫ୍ରାଷ୍ଟକ୍ଚର ପ୍ରୋଜେକ୍ଟ ସମ୍ପର୍କିତ ତଥ୍ୟ ରହିଛି। ସେଥିରୁ ପ୍ରତ୍ୟେକ ପ୍ରକଳ୍ପର ମୂଲ୍ୟ ୧୫୦ କୋଟି କିମ୍ବା ତଦୂର୍ଦ୍ଧ୍ୱ ଟଙ୍କା। ସେହିପରି ନିର୍ଦ୍ଧାରିତ ସମୟରେ ଶେଷ ହୋଇପାରି ନ ଥିବା ୮୨୩ଟି ପ୍ରୋଜେକ୍ଟ ରହିଛି। ୩୪୬ ପ୍ରୋଜେକ୍ଟର ବ୍ୟୟଅଟକଳ ନିର୍ଦ୍ଧରିତ ବଜେଟକୁ ବଳିଯାଇଛି। ୨୪୨ ପ୍ରକଳ୍ପର ଉଭୟ ସମୟ ଓ ନିର୍ମାଣ ଖର୍ଚ୍ଚ ମୂଳ ଆକଳନଠାରୁ ଢେର ବଢ଼ିଯାଇଛି। ୮୨୩ ପ୍ରକଳ୍ପର ନିର୍ମାଣ କାର୍ଯ୍ୟ ନିର୍ଦ୍ଧାରିତ ସମୟକୁ ଅତିକ୍ରମ କରିଥିବାବେଳେ ୧୫୯ ପ୍ରୋଜେକ୍ଟ ସମ୍ପୂର୍ଣ୍ଣ ହୋଇ ନ ପାରି ଅତିରିକ୍ତ ଭାବେ ବିଳମ୍ବିତ ହୋଇଛି। ଏହି ୧୫୯ ପ୍ରକଳ୍ପ ମଧ୍ୟରୁ ୩୮ଟି ହେଉଛି ମେଗା ପ୍ରୋଜେକ୍ଟ, ଯାହାର ବ୍ୟୟଅଟକଳ ୧,୦୦୦ କୋଟି କିମ୍ବା ତଦୂର୍ଦ୍ଧ୍ୱ ଟଙ୍କା।
ଓ ରାଜପଥ ସେକ୍ଟରରେ ୭୧୭ ପ୍ରୋଜେକ୍ଟକୁ ଅନୁମୋଦନ ମିଳିବା ସମୟରେ ସେଗୁଡ଼ିକ ପାଇଁ ୩,୯୭,୨୫୫.୪୭ କୋଟି ଟଙ୍କା ମଞ୍ଜୁର କରାଯାଇଥିଲା। କିନ୍ତୁ ନିର୍ମାଣ ବିଳମ୍ବିତ ହୋଇଥିବାରୁ ବର୍ତ୍ତମାନ ସେଗୁଡ଼ିକ ପାଇଁ ୪,୧୪,୪୪୦ କୋଟି ଟଙ୍କା ଅର୍ଥାତ୍ ଅତିରିକ୍ତ ୪.୩% ଅର୍ଥ ଖର୍ଚ୍ଚ କରାଯିବ। ଅନୁରୂପ ଭାବେ ୧୭୩ ରେଲଓ୍ବେ ପ୍ରୋଜେକ୍ଟ ନିର୍ମାଣ ପାଇଁ ପୂର୍ବରୁ ୩୭,୨୭୬୧.୪୫ କୋଟି ଟଙ୍କା ମଞ୍ଜୁର ହୋଇଥିଲା, ଯାହାକି ଏବେ ୬,୨୬,୬୩୨.୫୨ କୋଟି ଟଙ୍କାରେ ପହଞ୍ଚତ୍ଛି। ପେଟ୍ରୋଲିୟମ୍ ସେକ୍ଟରରେ ୧୪୬ଟି ପ୍ରକଳ୍ପ ପାଇଁ ୩,୬୭,୬୧୫.୬୭ କୋଟି ଟଙ୍କା ମଞ୍ଜୁର ହୋଇଥିବାବେଳେ ବିଳମ୍ବ କାରଣରୁ ଏହାର ବର୍ତ୍ତମାନ ଖର୍ଚ୍ଚ ୩,୮୫,୧୧୭.୦୮ କୋଟି ଟଙ୍କାକୁ ବୃଦ୍ଧି ପାଇଛି।