ବମ୍ବେ: ସିନେପ୍ରେମୀଙ୍କ ମଧ୍ୟରେ ଦକ୍ଷିଣ ଭାରତୀୟ ସିନେମାକୁ ନେଇ ଭିନ୍ନ କ୍ରେଜ ଦେଖିବାକୁ ମିଳେ। କିଛିଦିନ ପୂର୍ବେ ସୁପରଷ୍ଟାର ପ୍ରଭାସଙ୍କ ଚଳଚ୍ଚିତ୍ର ‘ଆଦିପୁରୁଷ’ ରିଲିଜ ହୋଇଥିଲା। ହେଲେ ଏହା ଫ୍ଲପ ହେବା ସହ ବିବାଦର କାରଣ ପାଲଟିଥିଲା। ଏବେ ପ୍ରଭାସ ନିଜର ଅପକମିଂ ଫିଲ୍ମ ‘ପ୍ରୋଜେକ୍ଟ କେ’ର ନୂଆ ପୋଷ୍ଟର ଜାରି କରିଛନ୍ତି। ଏଥିସହ ଫିଲ୍ମ ଟିଜର୍ ଏବଂ ଟାଇଟଲ୍କୁ ନେଇ ମଧ୍ୟ ରିଲିଜ ଡେଟ୍ ନେଇ ସୂଚନା ଦେଇଛନ୍ତି।
ଫିଲ୍ମ ପୋଷ୍ଟର ଶେୟାର କରି ପ୍ରଭାସ ଲେଖିଛନ୍ତି, ‘ପ୍ରୋଜେକ୍ଟ କେ’ର ଝଲକ୍ ପାଇବାକୁ ନିଜକୁ ପ୍ରସ୍ତୁତ କରି ନିଅନ୍ତୁ। ଜୁଲାଇ ୨୦ରେ ଆମେରିକାରେ ଏବଂ ୨୧ ଜୁଲାଇରେ ଭାରତରେ ରିଲିଜ କରାଯିବ।
ତେବେ ପ୍ରଭାସଙ୍କ ଏହି ବିଗ୍ ବଜେଟ୍ ଫିଲ୍ମରେ ତାଙ୍କ ବ୍ୟତିତ ଅମିତାଭ ବଚ୍ଚନ, ଦୀପିକା ପାଦ୍ୟୁକୋନ୍ ଏବଂ ଦିଶା ପଟାନୀ ପ୍ରମୁଖ ନଜର ଆସିବେ। ୨୦୨୪ ଜାନୁୟାରୀ ୧୨ ଏହା ପରଦାକୁ ଆସିବ।