ଔପଦା,୧୨ା୬(ସ୍ବ.ପ୍ର.): ଔପଦା ତଥା ଆଖ ପାଖ ଅଞ୍ଚଳରେ ଅଘୋଷିତ ବିଦ୍ୟୁତ୍ କାଟ ନେଇ ଅସନ୍ତୋଷ ବୃଦ୍ଧି ପାଇଛି। ଏହାର ପ୍ରତିବାଦରେ ସ୍ଥାନୀୟ ଅଞ୍ଚଳବାସୀ ବିଦ୍ୟୁତ୍ ଷ୍ଟ୍ରକଚର ଓ ଅଫିସକୁ ଘେରାଉ କରିଥିଲେ। ଗତ ୧୦ତାରିଖ ଅପରାହ୍ନ ୪ଟାରୁ ହଠାତ୍ ଲାଇନ ଚାଲିଯାଇଥିବା ବେଳେ ରାତି ୮ଟା ପରେ ମଧ୍ୟ ଆସି ନ ଥିଲା। ଏହାର ପ୍ରତିବାଦରେ ଔପଦା ଅଞ୍ଚଳବାସୀ ଷ୍ଟ୍ରକଚର ଫାଟକ ସମ୍ମୁଖରେ ଧାରଣାରେ ବସିଥିଲେ। ଧାରଣାକାରୀମାନେ ବିଭାଗୀୟ ଅଧିକାରୀଙ୍କ ଅବହେଳା ପାଇଁ ଏପରି ବାରମ୍ବାର ଘଟୁଥିବା ଅଭିଯୋଗ କରିଥିଲେ। ଟାଟା ପାୱାର ଏସ୍ଡିଓ ପ୍ରବାସ ରଞ୍ଜନ ବିଶ୍ୱାଳ ରାତି ୧୧ଟା ସମୟରେ ଘଟଣାସ୍ଥଳରେ ପହଞ୍ଚତ୍ ଲୋକଙ୍କ ସହିତ ଆଲୋଚନା କରିଥିଲେ। ଷ୍ଟ୍ରକଚର ଅଧୀନରେ ଥିବା ୩ଟି ଫିଡରକୁ ରାତି ପ୍ରାୟ ୧୨ଟାରେ ବିଦ୍ୟୁତ୍ ସଂଯୋଗ କରାଯିବାରୁ ପରିସ୍ଥିତି ଶାନ୍ତ ପଡ଼ିଥିଲା।