ରାଇରଙ୍ଗପୁର,୨୩ା୮(ମାନସ ମହାନ୍ତି): ମୟୂରଭଞ୍ଜ ଜିଲା ରାଇରଙ୍ଗପୁର ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବୁଧବାର ଭାଜପା ଦଳୀୟ କୃଷକ ମୋର୍ଚ୍ଚା ସଂଗଠନ ପକ୍ଷରୁ ୭ ଦଫା ଦାବି ନେଇ ବିକ୍ଷୋଭ କରାଯାଇଥିଲା। ଉକ୍ତ ଭାଜପା ଦଳୀୟ ରାଜ୍ୟ କୃଷକ ମୋର୍ଚ୍ଚା ସଂଗଠନ ସଭାପତି ମହେଶ୍ୱର ସାହୁ, ବିଧାୟକ ନବଚରଣ ମାଝି, ରାଜ୍ୟ ସମ୍ପାଦକ ନବୀନ କୁମାର ରାମ, ଇଶାନ ମିଶ୍ର ଏବଂ ମହିଳା ନେତ୍ରୀ ମିଥିଳା ଟୁଡୁଙ୍କ ନେତୃତ୍ୱରେ ରାଇରଙ୍ଗପୁର ବିଧାନସଭା ମଣ୍ଡଳୀର ଭାଜପା ଦଳୀୟ ବିଭିନ୍ନ କର୍ମକର୍ତ୍ତା, ଯୁବ ମହିଳା ଏବଂ କୃଷକ ମୋର୍ଚ୍ଚା ସଂଗଠନ କର୍ମୀ ଏକ ଶୋଭାଯାତ୍ରାରେ ଯାଇ ରାଇରଙ୍ଗପୁର ଉପଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିଥିଲେ। ରାଇରଙ୍ଗପୁର ଉପଜିଲାପାଳ ସରୋଜ କୁମାର ଦାଶଙ୍କୁ ଭେଟି ରାଜ୍ୟପାଳଙ୍କ ଉଦ୍ଦେଶ୍ୟରେ ୭ ଦଫା ଦାବିପତ୍ର ପ୍ରଦାନ କରିଥିଲେ।