ନୂଆଦିଲ୍ଲୀ,୨୭ ।୧୧: କୃଷି ଆଇନ୍ ବିରୋଧରେ ପଞ୍ଜାବରୁ ମାର୍ଚ୍ଚ ବାହାର କରିଥିବା କୃଷକଙ୍କୁ ଦିଲ୍ଲୀ ପ୍ରବେଶ ପାଇଁ ଅନୁମତି ପ୍ରଦାନ କରାଯାଇଛି । ଶୁକ୍ରବାର ପୋଲିସ ଓ କୃଷକ ମଧ୍ୟରେ ଉପୁଜିଥିବା ଟଣାଭିଡା ମଧ୍ୟରେ ଦିଲ୍ଲୀର ବୁରାଡିରେ ଥିବା ନିରଙ୍କାରୀ ଗ୍ରାଉଣ୍ଡରେ ପ୍ରଦର୍ଶନ କରିବାକୁ କୃଷକଙ୍କୁ ଅନୁମତି ପ୍ରଦାନ କରାଯାଇଛି । ଏଥର କୃଷକ ଦିଲ୍ଲୀର ଆଉ କୌଣସି ଅଞ୍ଚଳକୁ ଯାଇ ପାରିବେ ନାହିଁ । ଏହାସହ ପୋଲିସ ଏବେ ସେମାନଙ୍କ ସହ ରହିବ । ସୂଚନାଯୋଗ୍ୟ, କୃଷି ଆଇନକୁ ବିରୋଧ କରି ପ୍ରଦର୍ଶନ କରୁଥିବା କୃଷକ ଓ ପୋଲିସ ମଧ୍ୟରେ ଶୁକ୍ରବାର ସିନ୍ଧୁ ବର୍ଡରରେ ଖୁବ୍ କସରତ ହୋଇଥିଲା । କୃଷକମାନେ ପୋଲିସ ଉପରକୁ ପଥର ମାଡ କରିଥିବା ବେଳେ ପୋଲିସ ପାଣି ଓ ଲୁହା ବୁହା ଗ୍ୟାସ ପ୍ରୟୋଗ କରିଥିଲା । ଅନୁମତି ମିଳିବା ପରେ ଏବେ ପୋଲିସ ଓ କୃଷକ ପ୍ରତିନିଧିଙ୍କ ମଧ୍ୟରେ ଆଲୋଚନା ହୋଇଛି ।
