ଦିଗପହଣ୍ଡି,୨୭ା୧୨(ଡି.ଏନ୍.ଏ.): କେନ୍ଦ୍ରର କୃଷି ଆଇନକୁ ବିରୋଧ କରି ଓ ଆନ୍ଦୋଳନରତ ଚାଷୀଙ୍କୁ ନ୍ୟାୟ ପ୍ରଦାନ ଦାବିରେ ଗଞ୍ଜାମ ଜିଲା ଦିଗପହଣ୍ଡି ଗାନ୍ଧୀ ଛକଠାରେ ରବିବାର ବିଭିନ୍ନ ଚାଷୀ ସଙ୍ଗଠନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା। ଅଖିଳ ଭାରତ କିଷାନ ସଂଘର୍ଷ ସମନ୍ବୟ ସମିତି(ଏଆଇ୍କେଏସସିସି)ର ଡାକରା କ୍ରମେ ପୂର୍ବାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ’ ମନ କୀ ବାତ୍’ କାର୍ଯ୍ୟକ୍ରମ ବେଳେ ସ୍ଥାନୀୟ କଂଗ୍ରେସ – କମ୍ୟୁନିଷ୍ଟ ପାର୍ଟି ସମର୍ଥିତ ବିଭିନ୍ନ ଚାଷୀ ସଙ୍ଗଠନର କାର୍ଯ୍ୟକର୍ତ୍ତା ବୃନ୍ଦ ଏକତ୍ରିତ ହୋଇ ଘଣ୍ଟ ବାଡ଼େଇ ଥିଲେ। ପରେ କେନ୍ଦ୍ର ସରକାରଙ୍କ ବିରୋଧରେ ଆୟୋଜିତ ପ୍ରତିବାଦ ସଭାରେ ସିପିଆଇ (ଏମ୍) କାର୍ଯ୍ୟକର୍ତ୍ତା ଅଶ୍ୱିନୀ କୁମାର ଦାସ,କୁରେଶୁ ପଣ୍ଡା, ପି.ଶିବ ଶଙ୍କର, କୈଳାସ ମହାରଣା, ସିପିଆଇ ଗଞ୍ଜାମ ଜିଲା ସହ ସମ୍ପାଦକ ଅଳକ ନାଥ ମିଶ୍ର, କାର୍ଯ୍ୟକର୍ତ୍ତା ହରପ୍ରସାଦ ରଥ, ସମୀର ଚନ୍ଦ୍ର ମିଶ୍ର,ତପନ କୁମାର ମିଶ୍ର,ପ୍ରମୋଦ ଚନ୍ଦ୍ର ସ୍ବାଇଁ,ମୂଷା ବେହେରା, ଗଞ୍ଜାମ ଜିଲା କଂଗ୍ରେସ କମିଟି ଉପ ସଭାପତି ପ୍ରଫୁଲ୍ଲ ପଣ୍ଡା,କାର୍ଯ୍ୟକର୍ତ୍ତା କେ. କୁନା, ଏମ୍. ବାଇନାଥ, ଭଗବାନ ସ୍ବାଇଁ, କେଶବ ରାଓ,ଡମ୍ବରୁଧର ବେହେରା, କୈଳାସ ମହାପାତ୍ର, ଶଙ୍କର ରାଓ ପ୍ରମୁଖ ଉପସ୍ଥିତ ଥିଲେ। କୃଷକ ବିରୋଧୀ ୩ଟି କୃଷି ଆଇନକୁ ରଦ୍ଦ କରିବା ପାଇଁ ଦେଶବ୍ୟାପୀ ଚାଲିଥିବା ଚାଷୀ ଆନ୍ଦୋଳନକୁ ଜନସାଧାରଣ ସମର୍ଥନ କରିବା ପାଇଁ ସଭାରେ ଦଳୀୟ ନେତୃବୃନ୍ଦ ନିବେଦନ କରିଥିଲେ।
