ଭଟିକାନ ସିଟି,୧୧।୨ : ଖ୍ରୀଷ୍ଟିଆନ ଧର୍ମର କେନ୍ଦ୍ର ଭଟିକାନ ସିଟିରେ ପୋପ୍ ଫ୍ରାନ୍ସିସଙ୍କୁ ବିରୋଧ ଜାରି ରହିଛି ବିରୋଧୀମାନେ ତାଙ୍କୁ ତାଙ୍କର ବୈଦେଶିକ ସମ୍ପର୍କ ଏବଂ ସେ କରୁଥିବା ପରିବର୍ତ୍ତନ ପାଇଁ ସମାଲୋଚନା କରୁଛନ୍ତି। ପୂର୍ବତନ ପୋପ ବେନେଡିକ୍ଟଙ୍କ ମୃତ୍ୟୁ ପରେ ତାଙ୍କର ଘନିଷ୍ଠ ସହଯୋଗୀ ଜର୍ଜ ଗାନସ୍ବିନ ପ୍ରକାଶ କରିଛନ୍ତି ଯେ ପୋପ ଫ୍ରାନ୍ସିସ ଧାର୍ମିକ ପ୍ରଥାରେ କିଛି ପରିବର୍ତ୍ତନ କରୁଛନ୍ତି ବୋଲି ବେନେଡିକ୍ଟ ଚିନ୍ତିତ ଥିଲେ।
ପୋପ୍ ଫ୍ରାନ୍ସିସଙ୍କୁ ଏହା ପୂର୍ବରୁ ମଧ୍ୟ ସମାଲୋଚନାର ଶିକାର ହେବାକୁ ପଡିଥିଲା। କ୍ୟାଥୋଲିକ ଚର୍ଚ୍ଚର ଶାସକ ଶାଖା ରୋମାନ କୁରିଆ ମଧ୍ୟ ପୋପ ଫ୍ରାନାନ୍ସିସଙ୍କ ସମାଲୋଚନା କରିଥିଲେ। ଏମାନଙ୍କ ବ୍ୟତୀତ ଅଷ୍ଟ୍ରେଲୀୟ କାର୍ଡିନାଲ ଜର୍ଜ ପେଲ ମଧ୍ୟ ଏକ ନୋଟ ଲେଖି ପୋପ ଫ୍ରାନ୍ସିସଙ୍କ ସମାଲୋଚନା କରିଥିଲେ। ବର୍ତ୍ତମାନ ଜର୍ମାନ କାର୍ଡିନାଲ ଜେରାର୍ଡ ମଲେର ଏକ ପୁସ୍ତକ ପ୍ରକାଶ କରିଛନ୍ତି। ଏହି ପୁସ୍ତକକୁ ନେଇ ଉତ୍ତେଜନା ଦେଖାଦେଇଛି।
୨୦୨୧ ମସିହାରେ ପୋପ ଫ୍ରାନ୍ସିସଙ୍କ ଦ୍ୱାରା କ୍ୟାଥୋଲିକ ଚର୍ଚ୍ଚର ଭବିଷ୍ୟତ ବିଷୟରେ ଏକ ବିଶ୍ୱସ୍ତରୀୟ ଚର୍ଚ୍ଚା ଆରମ୍ଭ ହୋଇଥିଲା। ଚର୍ଚ୍ଚରେ ମହିଳାମାନଙ୍କୁ ସ୍ଥାନ ଦେବା, ଶିଶୁ ଯୌନ ଶୋଷଣ ତଥା ପାଦ୍ରୀଙ୍କ ବିବାହ ମାମଲା, ଚର୍ଚ୍ଚରେ ଏଲଜିବିଟିଙ୍କୁ ସ୍ବାଗତ କରିବା ଭଳି ପ୍ରସଙ୍ଗ ଏଥିରେ ରହିଛି।