ଭବାନୀପାଟଣା,୧୯।୪(ସ୍ବ.ପ୍ର.): ସମ୍ବଲପୁର ହିଂସା ଘଟଣାରେ ପ୍ରତିବାଦରେ ବିଶ୍ବ ହିନ୍ଦୁ ପରିଷଦ ଓ ପଶ୍ଚିମ ପ୍ରାନ୍ତ ତରଫରୁ ସମ୍ବଲପୁର ସମେତ ପଶ୍ଚିମ ଓଡ଼ିଶାର ୧୦ ଓ ଅବିଭକ୍ତ କୋରାପୁଟର ୪ ଜିଲାକୁ ମିଶାଇ ମୋଟ ୧୪ ଜିଲାରେ ବୁଧବାର ବନ୍ଦ ଡାକରା ଦିଆଯାଇଛି। ଏହି ପରିପ୍ରେକ୍ଷୀରେ କଳାହାଣ୍ଡି ଜିଲାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି। ଜିଲାର ଭବାନୀପାଟଣା, ଜୁନାଗଡ଼, ଧର୍ମଗଡ଼, ଜୟପାଟଣା ଆଦି ସହରର ବିଭିନ୍ନ ସ୍ଥାନରେ ବସ ଚଳାଚଳ ବନ୍ଦ ରହିଥିବାବେଳେ ଦୋକାନ,ବଜାର ମଧ୍ୟ ବନ୍ଦ ରହିଛି। ଏହି ଆନ୍ଦୋଳନରେ ବିଶ୍ୱ ହିନ୍ଦୁ ପରିଷଦ, ବଜରଙ୍ଗି ଦଳ ସାମିଲ ହୋଇଥିବାବେଳେ ଭାଜପା ସମର୍ଥନ ଜଣାଇଛି। ଭବାନୀପାଟଣା ସହରର ଅର୍କାବାହାଲି ପଡ଼ା ଛକ ସମେତ ନକଟିଗୁଡା ଛକ ଓ କଲେଜ ଛକ ଠାରେ ୨୬ ନଂ ଜାତୀୟ ପଥ ଅବରୋଧ କରାଯାଇଛି। ସେହିପରି ଜୁନାଗଡ଼ ମଧ୍ୟ ଜାତୀୟ ରାଜପଥ ଅବରୋଧ କରାଯାଇଥିବାବେଳେ ଆନ୍ଦୋଳନ କାରୀ ମାନେ ସମସ୍ତ ସରକାରୀ ଦପ୍ତରକୁ ଯାଇ ବନ୍ଦ କରୁଥିବା ଦେଖିବାକୁ ମିଳିଛି।