ଇସଲାମାବାଦ,୨୦।୩: ପାକିସ୍ତାନର ପୂର୍ବତନ କ୍ରିକେଟର ଜାଭେଦ ମିଆଁଦାଦ ପଳାତକ ଅଣ୍ଡରୱାଲର୍ଡ ଡନ ଦାଉଦ ଇବ୍ରାହିମଙ୍କୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ଦାଉଦ ଇବ୍ରାହିମଙ୍କ ସହିତ ପାରିବାରିକ ସମ୍ପର୍କ ରହିବା ତାଙ୍କ ପାଇଁ ସମ୍ମାନର ବିଷୟ । ଏହା ସହିତ ସେ ଅଣ୍ଡରୱାଲର୍ଡ ଡନ ଏମିତି ଜଣେ ବ୍ୟକ୍ତି ଭାବରେ ବର୍ଣ୍ଣନା କରିଛନ୍ତି ଯିଏ ମୁସଲମାନମାନଙ୍କ ସ୍ବାର୍ଥ ପାଇଁ ବହୁତ କିଛି କରିଛନ୍ତି।
ଏକ ୟୁଟ୍ୟୁବ ଚ୍ୟାନେଲରେ ଏକ ସାକ୍ଷାତକାର ସମୟରେ ଜାଭେଦ ମିଆଁଦାଦ କହିଛନ୍ତି, ମୁଁ ତାଙ୍କୁ ଦୁବାଇରୁ ବହୁତ ଦିନରୁ ଜାଣିଛି। ତାଙ୍କ ଝିଅ ମୋ ପୁଅକୁ ବିବାହ କରିବା ମୋ ପାଇଁ ଗୌରବର ବିଷୟ। ମୋ ବୋହୂ ବହୁତ ଶିକ୍ଷିତ। ସେ ଏକ କନଭେଣ୍ଟ ସ୍କୁଲରେ ପଢି ପରବର୍ତ୍ତୀ ଅଧ୍ୟୟନ ପାଇଁ ଏକ ନାଁ କରା ବିଶ୍ୱବିଦ୍ୟାଳୟକୁ ଯାଇଥିଲେ। ସୂଚନାଯୋଗ୍ୟ, ମିଆଁଦାଦଙ୍କ ପୁଅ ଜୁନାଦ ଦାଉଦ ଇବ୍ରାହିମଙ୍କ ଝିଅ ମହରୁଖଙ୍କୁ ବିବାହ କରିଛନ୍ତି। ଦୁହେଁ ୨୦୦୫ରେ ଦୁବାଇରେ ବିବାହ କରିଥିଲେ।
