ଇସଲାମାବାଦ,୨୭ ।୧୧: ପିଟିଆଇର ଅଧ୍ୟକ୍ଷ ତଥା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାଁ ଘୋଷଣା କରିଛନ୍ତି କି ତାଙ୍କ ଦଳ ସମସ୍ତ ବିଧାନସଭାରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛନ୍ତି । ଇମ୍ରାନ ଶନିବାର ପାକିସ୍ତାନର ରାୱଲପିଣ୍ଡିରେ ଏକ ସାର୍ବଜନିକ ସଭାରେ ଏହି ଘୋଷଣା କରିଛନ୍ତି । ଇମ୍ରାନ କହିଛନ୍ତି ଆମେ ସମସ୍ତ ବିଧାନସଭାରୁ ହଟିବାକୁ ନିଷ୍ପତ୍ତି ନେଇଛୁ । ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ପଞ୍ଜାବ ଓ କେପିକେ ବିଧାନସଭାକୁ ଭଙ୍ଗ କରିବା ଘୋଷଣା କରିବା ସହ ସମସ୍ତ ବିଧାନସଭାରୁ ଇସ୍ତଫା ଦେବା ଘୋଷଣା କରିଥିଲେ । ଆମେ ଏହି ବ୍ୟବସ୍ଥାର ଅଂଶ ହୋଇ ରହୁନାହୁଁ । ଇମ୍ରାନ କହିଥିଲେ ମୁଁ ଏହି ଦେଶପାଇଁ ଶେଷ ରକ୍ତ ବିନ୍ଦୁ ପର୍ଯ୍ୟନ୍ତ ଲଢିବି । ମୁଁ କ୍ରିକେଟ ଖେଳିବାକୁ ୨୦ ବର୍ଷ ଦେଶ ବାହାରେ ରହିଛି । ମୁଁ କେବେ ଅନ୍ୟ ଦେଶର ପାସପୋର୍ଟ ନେବା କଥା ଚିନ୍ତା କରିନାହିଁ । ମୋର ଗୋଟିଏ ଘର ଆଉ ସେ ହେଉଛି ପାକିସ୍ତାନ ।