ଖାଦ୍ୟରେ ମୁଢ଼ି ଅନେକଙ୍କୁ ପସନ୍ଦ। ଏହା କେବେ ସକାଳର ଜଳଖିଆ ପାଲଟେ ତ କେବେ ସନ୍ଧ୍ୟାର ଚଟପଟା ସ୍ନାକ୍ସ। ଗଳିକନ୍ଦିରେ ଝାଲମୁଢ଼ି ବିକ୍ରେତାଙ୍କ ପାଖରେ ଭିଡ ଜମେ। ସେହିଭଳି ଭୋଜିରେ ମୁଢ଼ି ମାଂସ ଅନେକଙ୍କୁ ପସନ୍ଦ ଥାଏ। ଦିନ ଥିଲା ମୁଢ଼ିକୁ ଘରେ ସ୍ବତନ୍ତ୍ର ପଦ୍ଧତିରେ ପ୍ରସ୍ତୁତ କରାଯାଉଥିଲା। ହେଲେ ସମୟ ବଦଳିବା ସହ ବଦଳିଛି ଏହାର ପ୍ରସ୍ତୁତି ପ୍ରଣାଳୀ। ଅନେକ କମ୍ପାନୀ ଏବେ ମୁଢ଼ି ପ୍ରସ୍ତୁତ କରି ବଜାରରେ ବିକ୍ରି କରୁଛନ୍ତି। ହେଲେ ଏବେ ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଅପରିଷ୍କାର ପରିବେଶ ମଧ୍ୟରେ ବସ୍ତା ବସ୍ତା ମୁଢ଼ି ପ୍ରସ୍ତୁତ ହେଉଥିବା ଦେଖାଯାଉଛି। ଭିଡିଓକୁ ଦେଖି ଲୋକେ ଚକିତ ହେଉଛନ୍ତି।
ଅନେକ ସମୟରେ ଅପରିଷ୍କାର ପରିବେଶରେ ଗୁପ୍ଚୁପ୍ ପ୍ରସ୍ତୁତ କରାଯାଉଥିବାର ଭିଡିଓ ସାମ୍ନାକୁ ଆସିଥାଏ। ଏବେ କିନ୍ତୁ ମୁଢ଼ିକୁ କିଭଳି ଭାବେ ପାଣିରେ ବତୁରାଯାଇ, ଶୁଖାଇ ପ୍ରସ୍ତୁତ କରାଯାଉଛି ତାହା ଦେଖିବାକୁ ମିଳିଛି। ଇନଷ୍ଟାଗ୍ରାମରେ ଭିଡିଓକୁ ଶେୟାର କରାଯିବା ପରେ ଲୋକେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି। କେହି କେହି ଆଉ କେବେହେଲେ ବଜାରରୁ ମୁଢ଼ି କିଣିବେ ନାହିଁ କିମ୍ବା ଖାଇବେ ନାହିଁ ବୋଲି କହୁଛନ୍ତି। ଦେଖନ୍ତୁ ଭିଡିଓ:
