ଘୁ.ଉଦୟଗିରି,୩୧।୧୦(ଚିନ୍ମୟ କୁମାର ସେଠୀ): ଆଲୋକର ପର୍ବ ପବିତ୍ର ଦୀପାବଳୀ ଅବସରରେ ସ୍ଥାନୀୟ ବନ୍ଧ ଛକ ପୂଜା ମଣ୍ଡପରେ ମା’ ଶ୍ୟାମାକାଳୀଙ୍କ ପୂଜା ଆରମ୍ଭ ହୋଇଯାଇଛି। ଚଳିତ ବର୍ଷ ମା’ଙ୍କ ପୂଜା ଧୁମଧାମରେ କରାଯାଉଛି। ସୁଉଚ୍ଚ ତୋରଣ ସାଙ୍ଗକୁ ରଙ୍ଗୀନ ଆଲୋକମାଳାରେ ଝଲସି ଉଠୁଛି ପୂଜା ମଣ୍ଡପ।
ମା’କାଳୀଙ୍କ ପାଦତଳେ ମହାଦେବ ଶିବ ଶଙ୍କରଙ୍କ ଅଲୌକିକ ପ୍ରତିମା ଲୋକଙ୍କ ମନରେ ଆଧ୍ୟାତ୍ମିକ ଭାବନାକୁ ଜାଗୃତ କରୁଛି। ପୂଜା କାର୍ଯ୍ୟରେ ପ୍ରତାପ କୁମାର ପଣ୍ଡା କର୍ତ୍ତା ଭାବେ ପୂଜା କାର୍ଯ୍ୟ ସମ୍ପାଦନ କରୁଥିବା ବେଳେ ସହ କର୍ତ୍ତା ଭାବେ ଟି.ଓମ୍ ନାରାୟଣ ପାତ୍ର ସହଯୋଗ କରୁଛନ୍ତି।
ପୂଜା କମିଟି ସଭାପତି ବିଷ୍ଣୁ ପ୍ରସାଦ ସାହୁଙ୍କ ନେତୃତ୍ୱରେ ୩୦ତାରିଖରୁ ପୁରୀରୁ ଆସିଥିବା ଚଣ୍ଡୀ ପାଠକ ପୁରୋହିତ ବିକ୍ରମ ଦୀକ୍ଷିତ ଓ ତାଙ୍କ ୫ଜଣ ସହଯୋଗୀଙ୍କ ଦ୍ୱାରା ରୀତିନୀତି ଅନୁସାରେ ମା’ଙ୍କ ପୂଜା କାର୍ଯ୍ୟ ହେଉଛି।
୪ ତାରିଖରେ ମା’ଙ୍କ ପୂର୍ଣ୍ଣାହୁତି କାର୍ଯ୍ୟକ୍ରମ ରହିଥିବା କମିଟି ପକ୍ଷରୁ କୁହାଯାଇଛି। ଗୁରୁବାର ଦୀପାବଳି ଅବସରରେ ମା’ଙ୍କୁ ଦର୍ଶନ ପାଇଁ ମଣ୍ଡପରେ ଶ୍ରଦ୍ଧାଳୁଙ୍କ ଭିଡ଼ ଜମିଥିଲା। ପୂଜା ଆୟୋଜନରେ କମିଟି ଉପସଭାପତି ଅଜିତ ସୁବୁଦ୍ଧି, ସମ୍ପାଦକ କାର୍ତ୍ତିକ ପାଢ଼ୀ, ସତ୍ୟ ନାରାୟଣ ଗୌଡ଼, କୋଷାଧ୍ୟକ୍ଷ ମାନସ ରଞ୍ଜନ ଦାସ, ପ୍ରତାପ ଚନ୍ଦ୍ର ସାହୁ, ସହଯୋଗୀ ସଦସ୍ୟ ମୁନା ପାଣିଗ୍ରାହୀ, ଶିବରାମ ସାହୁ, ଦିବାକର ସାହୁ ଓ ଅନ୍ୟମାନେ ସହଯୋଗ କରୁଛନ୍ତି।