ୱାଶିଂଟନ,୧୦ ।୫: ଚଳିତ ବର୍ଷ ଅର୍ଥାତ୍ ୨୦୨୨ ପାଇଁ ପୁଲିତ୍ଜର ପୁରସ୍କାର ଘୋଷଣା କରାଯାଇଛି । ସାମ୍ବାଦିକତା କ୍ଷେତ୍ରରେ ଆମେରିକାର ଏହି ସର୍ବୋଚ୍ଚ ପୁରସ୍କାର ପାଇବାରେ ୩ ଭାରତୀୟ ରହିଛନ୍ତି । ଏମାନେ ହେଲେ ଅଦନାନ ଆବିଦି, ସନା ଇରସାଦ ମଟ୍ଟୁ ଓ ଅମିତ ଦବେ । ଏହାସହ ରଏଟର୍ସର ରିପୋର୍ଟର ସ୍ୱର୍ଗତ ଦାନିଶ ସିଦ୍ଦିକିଙ୍କୁ ଏହା ମରଣୋତ୍ତର ଭାବେ ମିଳିଛି ।
ଅଦନାନ ଆବିଦି, ସନା ଇରସାଦ ମଟ୍ଟୁ ଓ ଅମିତ ଦବେଙ୍କୁ କୋଭିଡ ସମୟରେ ଭାରତରେ ନେଇଥିବା ଫଟୋ ପାଇଁ ଏହି ପୁରସ୍କାର ମିଳିଛି । ସେହିଭଳି ସିଦ୍ଦିକି ଗତବର୍ଷ ଆଫଗାନ ସୁରକ୍ଷାକର୍ମୀ ଓ ତାଲିବାନ ବିଦ୍ରୋହୀଙ୍କ ମଧ୍ୟରେ ହୋଇଥିବା ସଂଘର୍ଷ ସମୟରେ ରିପୋଟିଂ କରୁଥିବାରୁ ତାଙ୍କୁ ଏହି ପୁରସ୍କାର ମିଳିଛି । ସୂଚନାଯୋଗ୍ୟ, ଏହି ରିପୋଟିଂ ସମୟରେ ହିଁ ସିଦ୍ଦିକିଙ୍କର ମୃତ୍ୟୁ ହୋଇଥିଲା ।
