ସ୍ବର୍ଗତ ସୁପରଷ୍ଟାର ପୁନିତ ରାଜକୁମାରଙ୍କୁ କର୍ନାଟକ ରତ୍ନ ପୁରସ୍କାର ପ୍ରଦାନ କରାଯିବ ବୋଲି କର୍ନାଟକ ସରକାର ଘୋଷଣା କରିଛନ୍ତି। କର୍ନାଟକର ମୁଖ୍ୟମନ୍ତ୍ରୀ ବାସଭାରାଜ ଏସ୍ ବୋମାଇ ତାଙ୍କ ଟୁଇଟର୍ରେ ଏହି ସୂଚନା ଦେଇଛନ୍ତି। କର୍ନାଟକ ରତ୍ନ ପୁରସ୍କାର ପାଇଥିବା ରାଜକୁମାର ଦଶମ ବ୍ୟକ୍ତି ହେବେ। ଏହି ପୁରସ୍କାର କର୍ନାଟକର ସର୍ବୋଚ୍ଚ ପୁରସ୍କାର। ଅକ୍ଟୋବର ୨୯ରେ ୪୬ ବର୍ଷ ବୟସରେ ହୃଦଘାତରେ ପୁନିତଙ୍କର ମୃତ୍ୟୁ ହୋଇଥିଲା। ସେ କର୍ନାଟକ ଚଳଚ୍ଚିତ୍ର ଇଣ୍ଡଷ୍ଟ୍ରିର ସୁପରଷ୍ଟାର ଡକ୍ଟର ରାଜକୁମାରଙ୍କ ପୁଅ ଥିଲେ। ଅଭିନେତା ରାଜକୁମାରଙ୍କର ପାଞ୍ଚଟି ସନ୍ତାନ ଥିଲେ, ସେମାନଙ୍କ ମଧ୍ୟରୁ ପୁନିତ କନିଷ୍ଠ ଥିଲେ। ପୁନିତଙ୍କ ପିତାଙ୍କୁ ମଧ୍ୟ କର୍ନାଟକର ଏହି ସର୍ବୋଚ୍ଚ ପୁରସ୍କାରରେ ସମ୍ମାନିତ କରାଯାଇଛି। ତାଙ୍କୁ ୧୯୯୨ ମସିହାରେ କର୍ନାଟକ ରତ୍ନ ପ୍ରଦାନ କରାଯାଇଥିଲା।
