ଚଣ୍ଡିଗଡ,୧।୬: ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ ପଞ୍ଜାବ ଏବଂ ଦିଲ୍ଲୀରେ କେନ୍ଦ୍ରର ‘ଜେଡ୍ ପ୍ଲସ୍’ ସୁରକ୍ଷାର ଆବଶ୍ୟକତା ନାହିଁ। ପଞ୍ଜାବ ଏବଂ ଦିଲ୍ଲୀରେ ଭଗବନ୍ତ ମାନଙ୍କର ସୁରକ୍ଷା ପାଇଁ ପଞ୍ଜାବ ପୋଲିସ ଏବଂ ମୁଖ୍ୟମନ୍ତ୍ରୀ ସୁରକ୍ଷାର ସ୍ବତନ୍ତ୍ର ଟିମ ଯଥେଷ୍ଟ। ମୁଖ୍ୟମନ୍ତ୍ରୀଙ୍କ ସୁରକ୍ଷା ଦଳ କେନ୍ଦ୍ର ସରକାରଙ୍କୁ ଚିଠି ଲେଖି ଏହି ସୂଚନା ଦେଇଛନ୍ତି।
ଦେଶ ତଥା ବିଦେଶରୁ ବିପଦ ଆଶଙ୍କାକୁ ଦୃଷ୍ଟିରେ ରଖି ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ କେନ୍ଦ୍ର ସରକାର ଜେଡ୍ ପ୍ଲସ୍ ସୁରକ୍ଷା ପ୍ରଦାନ କରିଥିଲେ। କୁହାଯାଇଥିଲା ଯେ ଭଗବନ୍ତ ମାନଙ୍କୁ ସମଗ୍ର ଭାରତରେ ଶୀର୍ଷ ଶ୍ରେଣୀର ‘ଜେଡ୍ ପ୍ଲସ୍’ ସୁରକ୍ଷା ଦିଆଯିବ ଏବଂ ଗୃହ ମନ୍ତ୍ରଣାଳୟ ଏହାକୁ ଅନୁମୋଦନ କରିଛି। ସିଆରପିଏଫ ଖୁବ୍ଶୀଘ୍ର ମାନଙ୍କର ସୁରକ୍ଷା ଦାୟିତ୍ୱ ଗ୍ରହଣ କରିବ ଏବଂ ଏଥିପାଇଁ ୫୫ ସଶସ୍ତ୍ର କର୍ମଚାରୀଙ୍କ ଏକ ଟିମ ପଠାଯିବ।