ଚଣ୍ଡିଗଡ଼,୨୭ ।୯: ପଞ୍ଜାବ ବିଧାନସଭାର ବିଶେଷ ଅଧିବେଶନ ଆଜି ଡକା ଯାଇଛି । ଗୃହର କାର୍ଯ୍ୟ ସକାଳ ୧୧ଟାରେ ଆରମ୍ଭ ହେବ । ଭଗୱନ୍ତ ମାନଙ୍କ ନେତୃତ୍ୱ ବାଲା ସରକାର ଶନିବାର ରାଜ୍ୟପାଳଙ୍କୁ ସୂଚନା ଦେଇଥିଲେ କି ୨୭ ସେପ୍ଟେମ୍ବରରେ ହେବାକୁ ଥିବା ବିଶେଷ ଅଧିବେଶନରେ ନଡା ଜଳାଇବା, ମାଲ ଓ ସେବା କର ଏବଂ ବିଜୁଳି ବଣ୍ଟନ ଭଳି ବିଷୟକୁ ନେଇ ଚର୍ଚ୍ଚା ହେବ । ସୂଚନାଯୋଗ୍ୟ, ପଞ୍ଜାବ ରାଜ୍ୟପାଳ ବନୱାରିଲାଲ ପୁରୋହିତ ଏହା ପୂର୍ବରୁ ଦିନିକିଆ ଅଧିବେଶନକୁ ମନା କରି ଦେଇଥିଲେ । ପରେ ଆମ ଆଦମୀ ପାର୍ଟି(ଏଏପି) ନେତାମାନେ ଯେତେବେଳେ ଆଲୋଚନା ହେବାକୁ ଯାଉଥିବା ବିଷୟ ସମ୍ପର୍କରେ କହିଲେ ସେତେବେଳେ ରାଜ୍ୟପାଳ ଏହି ଅଧିବେଶନକୁ ମଞ୍ଜୁରୀ ପ୍ରଦାନ କରିଥିଲେ ।
ତେବେ ଏହି ସ୍ୱତନ୍ତ୍ର ଅଧିବେଶନର ବିରୋଧ କରିବାକୁ ଭାରତୀୟ ଜନତା ପାର୍ଟି(ଭାଜପା) ପ୍ରସ୍ତୁତ ହୋଇ ରହିଛି । ଭାଜପାର ୨ ଜଣ ବିଧାୟକ ବିଧାନସଭାକୁ ଯିବେ ହେଲେ ଭାଜପା ନେତା ଚଣ୍ଡିଗଡ଼ରେ ଜନତା ବିଧାନସଭା ଲଗାଇବେ । ସୋମବାର ଭାଜପାର କୋର କମିଟି ବୈଠକ ପରେ ଭାଜପା ଅଧ୍ୟକ୍ଷ ଅଶ୍ୱିନି ଶର୍ମା ଏ ସମ୍ପର୍କରେ ସୂଚନା ଦେଇଥିଲେ ।
