ଚଣ୍ଡିଗଡ଼,୨୮।୭: ପଞ୍ଜାବର ଭଗଓ୍ବନ୍ତ ମାନ ସରକାର ଏକ ବଡ ନିଷ୍ପତ୍ତି ନେଇ ରାଜ୍ୟର ୧୨,୫୦୦ ଶିକ୍ଷକଙ୍କ ନିଯୁକ୍ତିକୁ ସ୍ଥାୟୀ କରିଛନ୍ତି। ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି, ମୁଁ ବି ଜଣେ ଅଧ୍ୟାପକଙ୍କ ପୁଅ, ସେଥିପାଇଁ ମୁଁ ସେମାନଙ୍କ ଦୁଃଖ ବୁଝିପାରୁଛି। ଏହି ସମୟରେ ସେ ପୂର୍ବତନ ସରକାରଙ୍କ ଉପରେ ବି ଖୁବ ବର୍ଷିଛନ୍ତି। ଏହାସହ କେତେଜଣ ଅଧ୍ୟାପକଙ୍କ କଥା ଶୁଣି ସେ ଭାବୁକ ହୋଇଯାଇଥିଲେ। ଏହି ସମୟରେ ଅଧ୍ୟାପକଙ୍କ ସହ ବାର୍ତ୍ତାଳାପ ବି କରିଥିଲେ।
ନିୟମିତ ହେବା ପରେ ଶିକ୍ଷକମାନଙ୍କୁ ପ୍ରମାଣପତ୍ର ପ୍ରଦାନ କରୁଥିବାବେଳେ ମୁଖ୍ୟମନ୍ତ୍ରୀ ଭାବପ୍ରବଣ ହୋଇପଡିଥିଲେ। ଯେତେବେଳେ ଜଣେ ମହିଳା ତାଙ୍କ କାହାଣୀ କହିଥିଲେ, ଶିକ୍ଷୟିତ୍ରୀଙ୍କ ୧୪ ମାସର ଝିଅ ରୁଥ ଜାନୁୟାରୀ ୨୦୧୪ରେ ଶିକ୍ଷକଙ୍କ ଆନ୍ଦୋଳନ ସମୟରେ ମୃତ୍ୟୁ ବରଣ କରିଥିଲେ। ଶିକ୍ଷୟିତ୍ରୀ ଜଣକ ମଞ୍ଚକୁ ଆସି କାନ୍ଦୁଥିଲେ, ଯାହା ଦେଖି ମୁଖ୍ୟମନ୍ତ୍ରୀ ମଧ୍ୟ ଭାବପ୍ରବଣ ହୋଇଥିଲେ। ଜାନୁୟାରୀ ୨୦୧୪ ରେ, ଏହି ସମସ୍ତ ଶିକ୍ଷକମାନେ ବଠିଣ୍ଡାରେ ଆନ୍ଦୋଳନ କରିଥିଲେ, ସେତେବେଳେ ଅତ୍ୟଧିକ ଥଣ୍ଡା ହେତୁ ଝିଅଟିର ମୃତ୍ୟୁ ହୋଇଥିଲା।
