ପଞ୍ଜାବ କିଙ୍ଗ୍ସର ଉଦୀୟମାନ ଖେଳାଳି ଶାହରୁଖ ଖାନ କ୍ରିକେଟ ଜଗତରେ ନିଜ ଜଲଓ୍ବା ଦେଖାଇବାରେ ବ୍ୟସ୍ତ ଅଛନ୍ତି। ଘରୋଇ କ୍ରିକେଟରେ ତାମିଲନାଡୁ ପାଇଁ ଚମତ୍କାର ପ୍ରଦର୍ଶନ କରିବା ପରେ ସେ ଆଇପିଏଲ ୨୦୨୧ ନିଲାମରେ ନିଜର ମୂଳ ମୂଲ୍ୟ ୨୦ ଲକ୍ଷ ଟଙ୍କା ରଖିଥିଲେ, ପରେ ପଞ୍ଜାବ ତାଙ୍କୁ ୫.୨୫ କୋଟି ଟଙ୍କା କିଣିଥିଲା। ଦିଲ୍ଲୀ କ୍ୟାପିଟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟ ତାଙ୍କୁ ନେବା ପାଇଁ ଚାହଁିଥିଲା,କିନ୍ତୁ ପଞ୍ଜାବ ଶେଷରେ କିଣିଥିଲା। ଅବଶ୍ୟ, କରୋନା ଯୋଗୁ ଆଇପିଏଲର ଏହି ସିଜିନ୍ର ୨୯ ମ୍ୟାଚ ପରେ ସ୍ଥଗିତ ରଖିବାକୁ ପଡିଲା। ପ୍ରାୟ ସମସ୍ତ ଖେଳାଳି ନିଜ ନିଜ ଘରକୁ ଫେରିଛନ୍ତି। ଏହି ସମୟରେ, ଶାହରୁଖ ଖାନ ପଞ୍ଜାବ କିଙ୍ଗ୍ସର ସହ-ମାଲିକ ପ୍ରୀତି ଜିଣ୍ଟାଙ୍କ ସହ ନିଜର ଏକ ଫଟୋ ଶେୟାର କରିଥିଲେ। ସେ ଫଟୋ କ୍ୟାପସନ ଦେଇଛନ୍ତି, ନୈନା, ୧୨୩ ଟିଙ୍ଗ୍ ଟଙ୍ଗ୍…। ଏହି ସଂଳାପଟି ବଲିଉଡର ସୁପରହିଟ ଫିଲ୍ମ ‘କାଲ ହୋ ନା ହୋ’ର ଥିଲା। ଏହି ଫିଲ୍ମରେ ବଲିଉଡର କିଙ୍ଗ ଶାହାରୁଖ ଖାନ ଏବଂ ସୈଫ ଅଲି ଖାନଙ୍କ ସହ ପ୍ରୀତି ଜିଣ୍ଟା ନଜର ଆସିଥିଲେ। ତାଙ୍କର ଏହି ଫଟୋ ଏବେ ବହୁତ ଭାଇରାଲ ହେବାରେ ଲାଗିଛି।