ନୂଆଦିଲ୍ଲୀ,୧୬।୯: ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ୍)ର ଟିମ୍ ପଞ୍ଜାବ କିଙ୍ଗ୍ସକୁ ମିଳିଛି ନୂତନ ମୁଖ୍ୟ କୋଚ୍। ଇଂଲଣ୍ଡକୁ ବିଶ୍ୱକପ୍ ଜିତାଇଥିବା ଟ୍ରେଭର ବାଇଲିସଙ୍କୁ ଏହି ଦାୟିତ୍ୱ ଦିଆଯାଇଛି। ୫୯ ବର୍ଷୀୟ ବାଇଲିସ୍ ପୂର୍ବରୁ ସନରାଇଜର୍ସ ହାଇଦ୍ରାବାଦର ମୁଖ୍ୟ ପ୍ରଶିକ୍ଷକ ଭାବେ କାର୍ଯ୍ୟ କରିଛନ୍ତି। ତେବେ ଟ୍ରେଭର ଭାରତର କିମ୍ବଦନ୍ତୀ ବୋଲର୍ ଅନିଲ କୁମ୍ବଲେଙ୍କ ସ୍ଥାନ ନେବେ। କୁମ୍ବଲେଙ୍କ ୩ ବର୍ଷର କାର୍ଯ୍ୟକାଳରେ ଦଳ ପ୍ଲେ ଅଫ୍ରେ ପହଞ୍ଚିବାରେ ବିଫଳ ହୋଇଥିଲା। ଏଥିଲାଗି ତାଙ୍କ ଚୁକ୍ତି ଆଉ ବଢ଼ା ଯାଇ ନାହିଁ। ଟ୍ରେଭରଙ୍କ ନିଯୁକ୍ତି ପରେ ଦଳ ଟୁର୍ନାମେଣ୍ଟରେ ଟାଇଟର ହାସଲ କରିବାରେ ସଫଳ ହେବ ବୋଲି ଫ୍ରାଞ୍ଚାଇଜ ଆଶା ରଖିଛି।