ମୁମ୍ବାଇ,୨୨।୫: ସ୍ଥାନୀୟ ଓ୍ବାଙ୍ଖଡେ ଷ୍ଟାଡିୟମରେ ରବିବାର ଖେଳାଯାଇଥିବା ଆଇପିଏଲର ଅନ୍ତିମ ଲିଗ୍ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦ୍କୁ ୧୫.୧ ଓଭରରେ ୫ ଉଇକେଟରେ ପଞ୍ଜାବ କିଙ୍ଗ୍ସ ହରାଇ ଦେଇଛି। ଏହି ବିଜୟ ସହ ପଏଣ୍ଟ ଟେବୁଲର ୬ଷ୍ଠ ସ୍ଥାନରେ ରହି ପଞ୍ଜାବ ଅଭିଯାନ ଶେଷ କରିଛି।
ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ହାଇଦ୍ରାବାଦ୍ ୨୦ ଓଭରରେ ୮ ଉଇକେଟ ହରାଇ ୧୫୭ ରନ୍ କରିଥିଲା। ଅଭିଷେକ ଶର୍ମା ୪୩ ( ୫ ଚୌକା ଓ ୨ ଛକା), ରୋମାରିଓ ଶେଫର୍ଡ୨୬* (୨ ଲେଖାଏ ଚୌକା, ଛକା) ଓ ଓ୍ବାଶିଂଟନ ସୁନ୍ଦର ୨୫( ୩ ଚୌକା ଓ ୧ ଛକା) ରନ୍ କରିଥିଲେ। ପଞ୍ଜାବ ପକ୍ଷରୁ ହରପ୍ରୀତ ବ୍ରାର ଓ ନାଥନ ଇଲିସ ୩ ଲେଖାଏ ଉଇକେଟ ନେଇଥିଲେ। ଜବାବରେ ଲିଆମ ଲିଭିଂଷ୍ଟୋନଙ୍କ ବିସ୍ଫୋରକ ଅପରାଜିତ ୪୯ (୨ ଚୌକା ଓ ୫ ଛକା) ବଳରେ ପଞ୍ଜାବ ୧୫.୧ ଓଭରରେ ୫ ଉଇକେଟ ହରାଇ ୧୬୦ ରନ୍ କରି ମ୍ୟାଚ୍ ଜିତି ନେଇଥିଲା। ଅନ୍ୟ ବ୍ୟାଟରଙ୍କ ମଧ୍ୟରେ ଶିଖର ଧାଓ୍ବନ ୩୯ ଓ ଜନ୍ନି ବେଆରଷ୍ଟୋ ୨୩ ରନ୍ କରିଥିଲେ।