ଚଣ୍ଡିଗଡ଼,୧ ।୫: ପଟିଆଲା ହିଂସାର ମାଷ୍ଟର ମାଇଣ୍ଡ ବରଜିନ୍ଦର ସିଂ ପରୱାନଙ୍କୁ ପଞ୍ଜାବ ପୋଲିସ ଗିରଫ କରିଛି । ପୋଲିସ ରବିବାର ତାଙ୍କୁ କୋର୍ଟରେ ହାଜର କରିବ । ପୋଲିସ ଶନିବାର ସୂଚନା ଦେଇଥିଲା କି ପଟିଆଲା ହିଂସାର ମାଷ୍ଟରମାଇଣ୍ଡ ହେଉଛନ୍ତି ବରଜିନ୍ଦି ସିଂ ପରୱାନ । ପଞ୍ଜାବ ପୋଲିସ ଶନିବାର ଖଲିସ୍ତାନ ବିରୋଧି ମାର୍ଚ୍ଚକୁ ନେଇ ହୋଇଥିବା ହିଂସାରେ କଥିତ ଭାବେ ସାମିଲ ଥିବା ଅନ୍ୟ ୨ ଜଣଙ୍କୁ ଗିରଫ କରିଥିଲା । ଏହାସହ ଘଟଣା ପଛରେ ଆପରାଧିକ ପୃଷ୍ଠଭୂମୀ ବାଲା ରାଜପୁରା ନିବାସୀଙ୍କୁ ଚିହ୍ନଟ କରାଯାଇଥିଲା । ପୋଲିସ ଦଲଜିତ ସିଂ ଓ କୁଲଦିପ ସିଂ ନାମକ ୨ ଜଣ ଅଭିଯୁକ୍ତଙ୍କୁ ଗିରଫ କରିଥିଲା । ଶୁକ୍ରବାର ହୋଇଥିବା ହିଂସାର କିଛି ଘଣ୍ଟା ପରେ ପୋଲିସ ବିନା ଅନୁମତିରେ ରାଲି ବାହାର କରିବାକୁ ନେଇ ହିଂସାକୁ ଉସକାଉଥିବା ଅଭିଯୋଗରେ ହରିଶ ସିଙ୍ଗଲାଙ୍କୁ ଗିରଫ କରିଥିଲା ।
