ଚଣ୍ଡିଗଡ଼,୨୦ ।୩: ଖଲିସ୍ତାନ ସମର୍ଥକ ତଥା ୱାରିସ ପଞ୍ଜାବ ଦେର ମୁଖ୍ୟ ଅମୃତପାଲ ସିଂଙ୍କୁ ଏବେବି ପୋଲିସ ଖୋଜୁଛି । ପଞ୍ଜାବ ପୋଲିସ ଅମୃତପାଲଙ୍କୁ ଧରିବାକୁ ରବିବାର ଲଗାତାର ଦ୍ୱିତୀୟ ଦିନ ସର୍ଚ୍ଚ ଅପରେଶନ ଜାରି ରଖିଥିଲା । ଏହାରି ମଧ୍ୟରେ ପଞ୍ଜାବ ସରକାର ରାଜ୍ୟରେ ଇଣ୍ଟରନେଟ ସେବାକୁ ବନ୍ଦ କରି ଦେଇଥିଲେ । ଏହାସହ ପୋଲିସ ସାଧାରଣ ଜନତାଙ୍କୁ ଅନୁରୋଧ କରିଥିଲା କି ଏହି ସମୟରେ ଭୁଲ ଖବର ନ ଶୁଣିବା ଓ ଏହାକୁ ପ୍ରଚାର ପ୍ରସାର କରିବାଠାରୁ ଦୂରେଇ ରୁହନ୍ତୁ ।
ପଞ୍ଜାବ ପୋଲିସର ଏହି କାର୍ଯ୍ୟାନୁଷ୍ଠାନକୁ ଦେଖି ସ୍ଥିତି ଉତ୍ତେଜନା ପୂର୍ଣ୍ଣ ରହିଛି । ସବୁଠାରୁ ଅଧିକ ଉତ୍ତେଜନା ଅମୃତପାଲଙ୍କ ଗାଁ ଜଲ୍ଲୁପୁର ଖେଡାରେ ଦେଖାଯାଇଛି । ସେଠାରେ ବହୁ ସଂଖାରେ ସୁରକ୍ଷାକର୍ମୀ ନିୟୋଜିତ ହୋଇଛନ୍ତି ।
ଜବଲପୁର ଖେଡା ରାସ୍ତାରେ ସ୍ଥାନେ ସ୍ଥାନେ ସୁରକ୍ଷାକର୍ମୀ ଉପସ୍ଥିତ ରହିଛନ୍ତି । ସମସ୍ତ ଆସୁଥିବା ଯାଉଥିବା ଲୋକଙ୍କ ଉପରେ କଡା ନଜର ରଖାଯାଇଛି । ଏହାରି ଭିତରେ ରବିବାର ବି ସୁରକ୍ଷା ଏଜେନ୍ସି ଅମୃତପାଲଙ୍କ ଘରେ ତଲାସି ନେଇଛନ୍ତି । ପୋଲିସ ସୂତ୍ରରୁ କୁହାଯାଇଛି କି ପୋଲିସକୁ କିଛି ଆପତ୍ତିଜନକ ସାମଗ୍ରୀ ମିଳିଛି । ଏହାସହ ଗାଁ ଲୋକଙ୍କୁ ମଧ୍ୟ ପଚରା ଉଚରା କରାଯାଉଛି ।