ଚଣ୍ଡିଗଡ଼,୪ ।୩: ପଞ୍ଜାବର ସ୍ଥପତି ରାମପାଲ ବେହନିୱାଲ ନିଜର ବୁଦ୍ଧି ଖଟାଇ ଏକ ଯାନ ନିର୍ମାଣ କରିଛନ୍ତି । ଯାହା ଦେଖିବାକୁ ଅବିକଳ ଯୁଦ୍ଧ ବିମାନ ରାଫାଲ ଭଳି । ଏହାର ନାମ ଦେଇଛନ୍ତି ‘ପଞ୍ଜାବ ରାଫାଲ’ । ଏହି ଯାନକୁ ସେ ତାଙ୍କ କଲଚରାଲ ପାର୍କରେ ଚଳାଇବେ ବୋଲି କହିଛନ୍ତି । ତେବେ ଏହାକୁ ତିଆରି କରିବାକୁ ପାଖାପାଖି ୩ ଲକ୍ଷ ଟଙ୍କା ଖର୍ଚ୍ଚ ହୋଇଥିବା କହିଛନ୍ତି ରାମପାଲ । ଏହା ପଛର ମୁଖ୍ୟ ଉଦ୍ଦେଶ୍ୟ ହେଉଛି ଯେଉଁମାନେ ବିମାନରେ ବସିବା ପାଇଁ ସକ୍ଷମ ନୁହଁନ୍ତି ବା ଅତି ଗରିବ ଶ୍ରେଣୀର ଲୋକେ ଏଥିରେ ବସି ବିମାନରେ ବସିବାର ଅନୁଭୁତି ପାଇ ପାରିବେ । ଆଉ ସେମାନଙ୍କ ବିମାନରେ ବସିବାର ସ୍ୱପ୍ନ ପୂରଣ ହୋଇଯିବ । ଏହା ଘଣ୍ଟାକୁ ୧୫-୨୦ କିଲୋମିଟର ବେଗରେ ଗତି କରିବ ।
