ଭୁବନେଶ୍ୱର, ୧୦।୫(କ୍ରୀଡ଼ା ପ୍ରତିନିଧି): ରାଉରକେଲାର ବିର୍ସାମୁଣ୍ଡା ହକି ଷ୍ଟାଡିୟମରେ ଚାଲିଥିବା ୧୩ତମ ଜାତୀୟ ସବ୍ଜୁନିୟର ମହିଳା ହକି ଚାମ୍ପିୟନଶିପ୍ର ମଙ୍ଗଳବାର ଅନୁଷ୍ଠିତ ମ୍ୟାଚ ଗୁଡ଼ିକ ମଧ୍ୟରେ ପଞ୍ଜାବ, ଆନ୍ଧ୍ର ପ୍ରଦେଶ, ଚଣ୍ଡିଗଡ଼ ଓ ତେଲଙ୍ଗାନା ଦଳ ବିଜୟ ହାସଲ କରିଛି। ଦିବସର ପ୍ରଥମ ମ୍ୟାଚରେ ପଞ୍ଜାବ ୧୦-୧ ଗୋଲରେ ମଣିପୁରକୁ ହରାଇ ଦେଇଛି। ବିଜୟୀ ଦଳ ପକ୍ଷରୁ ତନୁ ରାଣୀ ୧୬, ୪୩ ଓ ୫୮ତମ ମିନିଟରେ ୩ ଗୋଲ ଦେଇ ହ୍ୟାଟ୍ରିକ ଅର୍ଜନ କରିଥିବାବେଳେ ହରଜୋତ କୌର ୪ ଓ ୫୩, ମସ୍କିନପ୍ରୀତ କୌର ୧୪ ଓ ୬୦ ଏବଂ ଶରନଜିତ କୌର ୧୯ ଓ ୫୦ତମ ମିନିଟରେ ୨ଟି ଲେଖାଏ ଏବଂ ସାନ୍ନା ୫୫ତମ ମିନିଟରେ ଗୋଟିଏ ଗୋଲ ଦେଇତ୍ଥଲେ। ମଣିପୁର ଅଧିନାୟିକା ମୁତୁମ ପ୍ରୀୟା ଦେବୀ ୧୫ତମ ମିନିଟରେ ଗୋଟିଏ ଗେଳଲ ପରିଶୋଧ କରିଥିଲେ। ଦ୍ୱିତୀୟ ଗେମ୍ରେ ଆନ୍ଧ୍ର ପ୍ରଦେଶ ୫-୦ ଗୋଲରେ ଗୁଜରାଟକୁ ହରାଇଛି। ଆନ୍ଧ୍ର ପ୍ରଦେଶ ପକ୍ଷରୁ କୁପ୍ପା ତୁଲସୀ ୧୨ ଓ ୫୮ ଏବଂ ଅଧିନାୟିକା ବୋମ୍ମୁ ଅଙ୍କିତା ୫୩ ଓ ୫୮ତମ ମିନିଟରେ ୨ଟି ଲେଖାଏ ଗୋଲ ଦେଇଥିବାବେଳେ ରଗୁଲା ନାଗମଣୀ ୪୩ତମ ମିନିଟରେ ଗୋଟିଏ ଗୋଲ ସ୍କୋର କରିଥିଲେ।
ତୃତୀୟ ମ୍ୟାଚଟି ବେଶ୍ ସଂଘର୍ଷପୂର୍ଣ୍ଣ ହୋଇଥିଲା। ଏଥିରେ ଚଣ୍ଡିଗଡ଼ ୩-୨ ଗୋଲରେ ବିହାରକୁ ପରାସ୍ତ କରିଥିଲା। ଚଣ୍ଡିଗଡ଼ ପକ୍ଷରୁ ତମନ୍ନା ୮ ଓ ୨୦ତମ ମିନିଟରେ ୨ଟି, ପୂଜା ୧୩ତମ ମିନିଟରେ ଗୋଟିଏ ଏବଂ ବିହାରର ଶାନ୍ତି କୁମାର ୧୧ ଓ ୩୯ତମ ମିନିଟରେ ୨ଟି ଗୋଲ ଦେଇଥିଲେ। ୪ର୍ଥ ମ୍ୟାଚରେ ତେଲଙ୍ଗାନା ୨-୦ରେ ଗୋଆକୁ ପରାସ୍ତ କରିଛି। ବିଜୟୀ ଦଳର କାଞ୍ଚାର୍ଲା ଅକ୍ଷୟା ୪୨ ଓ ଅଧିନାୟିକା କେଥବଥ ଅନିତା ୫୫ତମ ମିନିଟରେ ଗୋଟିଏ ଲେଖାଏ ଗୋଲ ସ୍କୋର କରିଥିଲେ।