ପ୍ରସିଦ୍ଧ ପଞ୍ଜାବୀ ଗାୟକ ସରଦୁର୍ ସିକନ୍ଦରଙ୍କ ପରଳୋକ ଘଟିଛି। ମୃତ୍ୟୁବେଳକୁ ତାଙ୍କୁ ୬୦ ବର୍ଷ ବୟସ ହୋଇଥିଲା। କିଡନୀ ସମସ୍ୟା ଯୋଗୁ ତାଙ୍କୁ ଗତ ସପ୍ତାହରେ ମୋହାଲିର ଏକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କର କିଡନୀ ଅପରେସନ ଏଠାରେ ସଫଳ ହୋଇଥିଲା, କିନ୍ତୁ ସେ କରୋନା ପଜିଟିଭ୍ ଚିହ୍ନଟ ହୋଇଥିଲେ। ବୁଧବାର ସିକନ୍ଦର ଶେଷ ନିଶ୍ୱାସ ତ୍ୟାଗ କରିଛନ୍ତି। ସେ ପଞ୍ଜାବୀ ଭାଷା ସଙ୍ଗୀତର ଜଣେ ପ୍ରସିଦ୍ଧ ଗାୟକ ଥିଲେ। ତାଙ୍କ ମୃତ୍ୟୁଖବର ଆସିବା ପରେ ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ, କପିଲ ଶର୍ମା, ଦଲେର୍ ମେହେନ୍ଦିଙ୍କ ସମେତ ଅନେକ ଚଳଚ୍ଚିତ୍ର ବ୍ୟକ୍ତିତ୍ୱ ଦୁଃଖ ପ୍ରକାଶ କରିଛନ୍ତି।