କଟକ ଅଫିସ୍,୨୪।୫: କଟକ ଜିଲା ତେଲେଙ୍ଗା ପେଣ୍ଠ ନିକଟସ୍ଥ ରାମନଗର ଗ୍ରାମର ୧୭ତମ ବାର୍ଷିକ ରାମଲୀଳା ମହୋତ୍ସବ ଅନୁଷ୍ଠିତ ହୋଇଯାଇଛି। ପବିତ୍ର ରାମ ଦରବାରରେ ଗ୍ରାମ କମିଟି ପକ୍ଷରୁ ଓଡିଶାର ବିଶିଷ୍ଟ ଆଧ୍ୟାତ୍ମିକ ସ୍ତମ୍ଭକାର, ସୁବକ୍ତା, ସଂଗଠକ ତଥା ମହାନ ଆଧ୍ୟାତ୍ମିକ ବ୍ୟକ୍ତିତ୍ୱ ଶ୍ରୀ ସନ୍ୟାସୀ ଜୀଙ୍କୁ ‘ପୁଣ୍ୟଶ୍ଳୋକ’ ସମ୍ମାନ ପ୍ରଦାନ କରାଯାଇଛି l
ଶ୍ରୀ ସନ୍ନ୍ୟାସୀ ଜୀ ଖୁବକମ ବୟସରୁ ସେ ଆଧ୍ୟାତ୍ମିକ ସ୍ତମ୍ଭ ଲେଖିବା ଆରମ୍ଭ କରିଥିଲେ। ଆଜିକୁ ପନ୍ଦର ବର୍ଷ ହେଲା ଦୈନିକ ‘ଧରିତ୍ରୀ’ ରେ ମାସିକ ସ୍ତମ୍ଭ ‘ଚିନ୍ମୟ ଚିନ୍ତନ’ ଲେଖି ଓଡିଶାର ପାଠିକାପାଠକଙ୍କ ଠାରେ ବିଶେଷ ଲୋକପ୍ରିୟତା ହାସଲ କରିପାରିଛନ୍ତି। ଏହସହ ସେ ଅନେକ ଖବରକାଗଜରେ ଆଧ୍ୟତ୍ମିକ ସ୍ତମ୍ଭ ଲେଖନ୍ତି।
ଆକାଶବାଣୀ କଟକର ‘ଅନୁଚିନ୍ତା’ ଉପସ୍ଥାପକ ଠାରୁ ଆରମ୍ଭ କରି ଆଧ୍ୟାତ୍ମିକ ଚାନେଲ ‘ପ୍ରାର୍ଥନା’ର ‘ତର୍କେ ବହୁ ଦୂର’ କାର୍ଯ୍ୟକ୍ରମର ଅତିଥି ପର୍ଯ୍ୟନ୍ତ ସବୁଠି ସେ ନିଜ ଆଧ୍ୟାତ୍ମିକ ଚିନ୍ତାଧାରା ସେ ଲୋକଙ୍କ ସହ ବାଣ୍ଟନ୍ତି। ଏତଦ ବ୍ୟତୀତ ସେ ଜଣେ ଓଜସ୍ବିନୀ ବକ୍ତା ଏବଂ ପ୍ରବଚକ ମଧ୍ୟ l ଦେବ ବାଣୀ, ଗୁରୁ ଗ୍ରହଣର ପ୍ରୟୋଜନୀୟତା ଏବଂ ନିତ୍ୟ ପ୍ରାର୍ଥନା ନାମକ ତିନି ଖଣ୍ଡ ଆଧ୍ୟାତ୍ମିକ ପୁସ୍ତକ ସେ ରଚନା କରିବା ସହିତ ଓଡ଼ିଶାର ଲୋକପ୍ରିୟ ଆଧ୍ୟାତ୍ମିକ ପତ୍ରିକା ‘ଦିବ୍ୟାଲୋକ ସନ୍ଧାନେ’ର ସମ୍ପାଦକ ମଧ୍ୟ ଅଟନ୍ତି l ଏ ପର୍ଯ୍ୟନ୍ତ ଅବିବାହିତ ରହି ଆଧ୍ୟାତ୍ମିକ ସାଧନାରେ ରତ ଥିବା ଶ୍ରୀ ସନ୍ନ୍ୟାସୀ ଜୀଙ୍କୁ ନିଜ ଗାଁ ମାଟିରେ ଏପରି ଏକ ସମ୍ମାନ ମିଳିଥିବାରୁ ସେ ଗ୍ରାମ କମିଟିର ସଭାପତି ପ୍ରକାଶ ଚନ୍ଦ୍ର ନାୟକ, ସମ୍ପାଦକ ଲକ୍ଷ୍ମୀଧର ସେଠୀଙ୍କ ସମେତ ସମଗ୍ର ଗ୍ରାମବାସୀଙ୍କୁ ଧନ୍ୟବାଦ ଦେଇଛନ୍ତି।
