କୁକୁର ପିଲାଦିନରୁ ବୁଦ୍ଧିମାନ ଆଉ ସାହସୀ ମଧ୍ୟ। ବେଳେବେଳେ ଏମାନଙ୍କର ସାହସୀ ପଣିଆ ଉଭେଇ ଯାଇ ଭୟଭୀତ ହୋଇଯାଆନ୍ତି। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ଦେଖିଲେ ଦୟା ଆସିବ।
ଭିଡିଓରେ ଏକ କୁକୁର ଛୁଆକୁ ତା’ର ମାଲିକାଣୀ ଗାଧୋଇ ଦେଉଛନ୍ତି। ଗାଧୋଇ ସାରିବା ପରେ କୁକୁର ଛୁଆଟି ଥରିବାକୁ ଲାଗୁଛି। ସୁନ୍ଦର କୁକୁର ଛୁଆଟି ଘରର ବାଥଟବ୍ରେ ଗାଧୋଉଥିଲା। କିନ୍ତୁ ମାଲିକାଣୀ ଉଠିବା ଏବଂ ବାହାରକୁ ଯିବାକୁ ଚେଷ୍ଟା କରିବା ମାତ୍ରେ କୁକୁରଟି ତାଙ୍କ ହାତକୁ ଜୋର୍ରେ ଜାବୁଡ଼ି ଧରୁଛି। ଯେପରି ସେ କହୁଛି ଦୟାକରି ମୋତେ ଛାଡ଼ ନାହିଁ। କୁକୁରଟି ଏପରି ଥରୁଥିଲା ଭୟ କି ଶୀତ ବୁଝିବା ବି କଷ୍ଟକର।
@ FredSchultz35 ନାମକ ଏକ ଟୁଇଟର ପେଜ୍ରେ ଭିଡିଓଟି ଶେୟାର ହୋଇଛି। ଭିଡିଓଟିକୁ ବର୍ତ୍ତମାନ ସୁଦ୍ଧା ୧.୩ ମିଲିୟନ ଭ୍ୟୁ ମିଳିଛି। ପ୍ରାୟ ୬୦ ହଜାର ଲାଇକ୍ ଏବଂ ୬ ହଜାର ୟୁଜର କମେଣ୍ଟ ଦେଇଛନ୍ତି। କିଛି ୟୁଜର ଏପରି ଦୃଶ୍ୟ ଦେଖି ବିରକ୍ତି ପ୍ରକାଶ କରିଛନ୍ତି। କୁକୁର ଛୁଆ ପ୍ରତି ଅନେକ ୟୁଜର ଦୟାଭାବ ଦେଖାଇଛନ୍ତି।