ବାରଙ୍ଗ,୧୫।୨(ଡି.ଏନ୍.ଏ.): ପ୍ରାଣୀଉଦ୍ୟାନ ନନ୍ଦନକାନନ ପାଇଁ ଖୁସି ଖବର। ସୋମବାର ସକାଳେ ନନ୍ଦନକାନନରେ ପର୍ଯ୍ୟଟକମାନଙ୍କ ପାଇଁ ଅନ୍ୟତମ ଆକର୍ଷକ ସାଜିଥିବା ସିମ୍ପାଜି ପୂର୍ଣ୍ଣିମା ଗୋଟିଏ ଶାବକକୁ ଜନ୍ମ ଦେଇଛି। ମା ଓ ଛୁଆ ଉଭୟ ସୁସ୍ଥ ଥିବାବେଳେ ଶାବକ ଜନ୍ମ ପରେ ମା କୋଳରେ ଧରି ରଖିଛି ା ଦୀର୍ଘ ବର୍ଷର ବ୍ୟବଧାନ ପରେ ସିମ୍ପାଜି ପରିବାରକୁ ଆସିଛି ନବଜାତକ। ଏହି ଶାବକର ଜନ୍ମ ପରେ ଏମାନଙ୍କ ସଂଖ୍ୟା ବୃଦ୍ଧିପାଇ ୭ରେ ପହଞ୍ଚିଛି ା ସେଥିମଧ୍ୟରୁ ଗୋଟିଏ ଅଣ୍ଡିରା, ୬ଟି ମାଈ, ନବଜାତକର ଲିଙ୍ଗନିରୂପଣ ହୋଇପାରି ନଥିବା ଉପନିର୍ଦ୍ଦେଶକ ବିମଳପ୍ରସନ୍ନ ଆଚାର୍ଯ୍ୟ କହିଛନ୍ତି ା ତେବେ ୨୦୧୭ ସେପ୍ଟେମ୍ବର ୨୩ ଥିଲା ଏହି ପରିବାରର ଶେଷ ସନ୍ତକ ା ଜୁଲୁ ଓ ପାମ୍ପେଟା ଔରସରୁ ଜନ୍ମ ନେଇଥିଲା ଦୁର୍ଗା ନାମକ ମାଈ ଶାବକ। ଏହାପରେ ଜନ୍ମ ପରିମାଣ ବନ୍ଦ ହୋଇଯାଇଥିଲା। ପୁଣିଥରେ ଚତୁର୍ଥଥର ପାଇଁ ମା’ ହେବାର ସୁଯୋଗ ପାଇଛି ୨୦ ବର୍ଷୀୟା ପୂର୍ଣ୍ଣିମା।
୪ ଘଡ଼ିଆଳ ଓ ୨ ଦେଶୀଭାଲୁ ପ୍ରତିବଦଳରେ ଏମାନଙ୍କୁ ସିଙ୍ଗାପୁର ଚିଡ଼ିଆଖାନାରୁ ୧୬ ମେ ୧୯୯୪ରେ ନନ୍ଦନକାନନକୁ ଅଣାଯାଇ ୬୦ ନଂ ଏନ୍କ୍ଲୋଜରରେ ରଖାଯାଇଥିଲା ା ଜୁଲୁ ଓ ପାମ୍ପେଟାର ଓରସର ଦ୍ୱତୀୟ ଗର୍ଭସ୍ଥ ସନ୍ତାନ ପୂର୍ଣ୍ଣିମା ୯ ଜାନୁୟାରୀ ୨୦୨୧ରେ ଜନ୍ମ ଗ୍ରହଣ କରିଥିଲା। ପୂର୍ଣ୍ଣିମା ତିଥିରେ ଜନ୍ମ ହୋଇଥିବାରୁ ତା’ର ଏପରି ନାମକରଣ କରାଯାଇଥିଲା। ଏହି ନବଜାତକକୁ ନେଇ କର୍ମଚାରୀମାନେ ବେଶ ଉତ୍ସାହିତ ଥିବା ଜଣାପଡ଼ିଛି।
