ପୁରୁଷୋତ୍ତମପୁର, ୨୫/୩(ଡିଏନଏ): ଗଞ୍ଜାମଜିଲା ପୁରୁଷୋତ୍ତମପୁର ଓକିଲ ସଂଘ ନିର୍ବାଚନ ଶନିବାର ଅନୁଷ୍ଠିତ ହୋଇ ଯାଇଛି। ନିର୍ବାଚନ ଅଧିକାରୀ ବାସୁଦେବ ଯେନାଙ୍କ ତତ୍ତ୍ୱାବଧାନ ଏହା ଅନୁଷ୍ଠିତ ହୋଇଯାଇଛି। ଏଥିରେ ସଭାପତି ଭାବେ ଉପେନ୍ଦ୍ର ପଣ୍ଡା, ଉପ ସଭାପତି ଭାବେ ଗୌରିଶଙ୍କର ରାଉଳ, ସମ୍ପାଦକ ଭାବେ ସିମାଞ୍ଚଳ ମିଶ୍ର ଓ ସହ ସମ୍ପାଦକ ଭାବେ ଅକ୍ଷୟ କୁମାର ବେହେରା ନିର୍ବାଚିତ ହୋଇଛନ୍ତି।
ଫଳାଫଳକୁ ନିର୍ବାଚନ ଅଧିକାରୀ ଶ୍ରୀ ଯେନା ଆନୁଷ୍ଠାନିକ ଭାବେ ଘୋଷଣା କରିଛନ୍ତି। ଏହି ଅବସରରେ ପୁରୁଷୋତ୍ତମପୁର ଠାରେ ଆସିଷ୍ଟାଣ୍ଟ ସେସନ୍ସ ଜଜ କୋର୍ଟ ପ୍ରତିଷ୍ଠା କରିବା ସହ ଓକିଲ ସଂଘର ବିକାଶ କରିବା ମୂଖ୍ୟ ଲକ୍ଷ୍ୟ ବୋଲି ନବନିର୍ବାଚିତ କର୍ମକର୍ତ୍ତାମାନେ କହିଛନ୍ତି।
