ଲକ୍ଷ୍ନୌ,୧୬ ।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଲକ୍ଷ୍ନୌରୁ ଗାଜିପୁର ଯାଉଥିବା ପୂର୍ବାଞ୍ଚଳ ଏକ୍ସପ୍ରେସ ୱେର ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି । ହେଲେ ଏହା ପୂର୍ବରୁ ସମାଜବାଦୀ ପାର୍ଟିର କର୍ମୀମାନେ ଏକ୍ସପ୍ରେସୱେରେ ସାଇକେଲ ଚଲାଇ ଏହାର ଉଦଘାଟନ କରିଥିବା ଦାବି କରିଛନ୍ତି । ସେପଟେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କ ଉପରେ ବର୍ଷିଛନ୍ତି କେନ୍ଦ୍ର ମନ୍ତ୍ରୀ । ପୂର୍ବାଞ୍ଚଳ ଏକ୍ସପ୍ରେସ ୱେକୁ ନେଇ ଅଖିଳେଶ ଦେଇଥିବା ବୟନକୁ ନେଇ କେନ୍ଦ୍ରମନ୍ତ୍ରୀ ମୁଖତାର ଅବ୍ୱାସ ନକବି କହିଛନ୍ତି, ଅଖିଳେଶ ଯାଦବ ଭୁଲ କହିଛନ୍ତି, ତାଙ୍କୁ କହିବାର ଥିଲା କି ଉତ୍ତର ପ୍ରଦେଶକୁ ତାଙ୍କ ପରିବାର ତିଆରି କରିଛନ୍ତି । ତାଙ୍କ କୃପାରୁ ଉତ୍ତର ପ୍ରଦେଶର ଲୋକ ମାଟିରେ ଚାଲି ପାରୁଛନ୍ତି । ତାଙ୍କୁ କଂଗ୍ରେସର ରୋଗ ଉଡିଛି ।