ଇନ୍ଷ୍ଟାଗ୍ରାମରେ ଏକ ଭିଡିଓ ଶେୟାର କରିଥିବା ଜଣେ ଯୁବକ ଗିରଫ ହୋଇଛନ୍ତି। ଏହି ଯୁବକ ଜଣକ ଏକ ବିଏମଡବ୍ଲ୍ୟୁ କାର୍କୁ ନଦୀରେ ଫିଙ୍ଗି ଦେଇଥିଲେ। କାରଣ ଏକ ଭିଡିଓ ଶୁଟ୍ କରିବେ ବୋଲି ଯୁବକ ଜଣକ ଏପରି କରିଥିଲେ। ଅନ୍ୟପକ୍ଷରେ ଏହା ପରିବେଶ ପ୍ରତି କ୍ଷତି ପହଞ୍ଚାଇବା ଏବଂ ସଡ଼କ ସୁରକ୍ଷା ସମ୍ବନ୍ଧୀୟ ନିୟମ ଭଙ୍ଗ ଅଭିଯୋଗରେ ପୋଲିସ ତାଙ୍କୁ ଗିରଫ କରିଛି।
ଏହି ଘଟଣାଟି ସ୍ପେନ୍ର। ତେବେ ଅଭିଯୁକ୍ତ ଜଣକ ବ୍ରିଟେନର ବାସିନ୍ଦା। ଯୁବକଙ୍କ ନାମ ପୋଲିସ ପ୍ରକାଶ କରିନାହିଁ। ଯୁବକ ଜଣକ ବିଏମଡବ୍ଲୁ କାର୍କୁ ମାର୍ବେଲା ନଦୀରେ ପକାଇ ସୋସିଆଲ ମିଡିଆରେ ଅପଲୋଡ୍ କରି ଏହି ଭିଡିଓ ଶୁଟିଂ କରିଥିଲେ। ପରେ ଭିଡିଓକୁ ଡିଲିଟ୍ କରିଦେଇଥିଲେ।
ସୋସିଆଲ ମିଡିଆରେ ଏହି ପୋଷ୍ଟ ଦେଖିବା ପରେ ହିଁ ପୋଲିସ ଯୁବକଙ୍କୁ ଖୋଜିବା ଆରମ୍ଭ କରିଥିଲା। ଏଥିସହ ପୋଲିସ ଅନୁସନ୍ଧାନ କରିଥିଲା ଏବଂ ତାଙ୍କ ନିକଟରୁ ଜାଲ୍ କାଗଜପତ୍ର ମଧ୍ୟ ଉଦ୍ଧାର କରିଥିଲା। ଯୁବକଙ୍କର ସମାନ ନମ୍ବରର ଦୁଇଟି କାର୍ ଥିଲା। ଘଟଣା ପରେ ପୋଲିସ କାର୍ଟିକୁ ନଦୀ ଭିତରୁ ଉଦ୍ଧାର କରିଥିଲା। ଯେଉଁଠାରେ କାର୍ଟି ଫିଙ୍ଗି ଦିଆଯାଇଥିଲା ଏହା ସ୍ବତନ୍ତ୍ର ସଂରକ୍ଷଣ କ୍ଷେତ୍ର ମଧ୍ୟରେ ଆସେ। ତେଣୁ ପୋଲିସ ଯୁବକଙ୍କୁ ଗିରଫ କରିଥିଲା।
