ପାଟନା,୧୭।୧୧: ଦକ୍ଷିଣର ଲୋକପ୍ରିୟ ତାରକା ଅଲ୍ଲୁ ଅର୍ଜୁନଙ୍କ ଫିଲ୍ମ ପୁଷ୍ପା ୨: ଦି ରୁଲ୍’ର ଟ୍ରେଲର ରବିବାର ବିହାରର ରାଜଧାନୀ ପାଟନାରେ ଲଞ୍ଚ ହୋଇଛିି। ଏଥିପାଇଁ ପାଟନାର ଗାନ୍ଧୀ ମଇଦାନରେ ପ୍ରସ୍ତୁତି ଚାଲିଛି। ଅଲ୍ଲୁ ନିଜେ X ରେ ଏକ ପୋଷ୍ଟ ମାଧ୍ୟମରେ ଏନେଇ ସୂଚନା ଦେଇଛନ୍ତି। ଏହି ଟ୍ରେଲର ଲଞ୍ଚ ପାଇଁ ଅଲ୍ଲୁ, ରଶ୍ମିକା ମନ୍ଦନା ଓ ଫିଲ୍ମର ପୁରା ଟିମ୍ ସହ ପାଟନାରେ ପହଞ୍ଚିବେ। ଏହି ଟ୍ରେଲରଟି ଗାନ୍ଧୀ ମଇଦାନରେ ରାତି ୬.୦୩ ରେ ଲଞ୍ଚ ହେବ।
ତେବେ ଏବେ ସବୁଠି ଚର୍ଚ୍ଚା ହେଉଛି କି ଦିଲ୍ଲୀ, ମୁମ୍ବାଇ ପରି ସ୍ଥାନ ନ ବାଛି ପୁଷ୍ଟା ଟିମ୍ ବିହାରକୁ କାହିଁକି ଟ୍ରେଲର ଲଞ୍ଚ ପାଇଁ ବାଛିଲେ। ମୁମ୍ବାଇ, ହାଇଦ୍ରାବାଦ, ଦିଲ୍ଲୀ ଏବଂ ଚେନ୍ନାଇ ଭଳି ବଡ ସହରରେ ବିଭିନ୍ନି ବଡ ଫିଲ୍ମର ଟ୍ରେଲର ଲଞ୍ଚ କରାଯାଉଛି। କିନ୍ତୁ ପୁଷ୍ପା ୨ ର ଟ୍ରେଲର ପାଟନାରେ ଲଞ୍ଚ କରାଯିବ। କୁହାଯାଉଛି, ଯେତେବେଳେ ପୁଷ୍ପା ପାର୍ଟ ୧ ରିଲିଜ ହୋଇଥିଲା, ଏହାର ହିନ୍ଦୀ ଡବ୍ ୧୦୦ କୋଟିରୁ ଅଧିକ ଆୟ କରିଥିଲା। ଏଥିରେ ବିହାର-ଝାଡଖଣ୍ଡର ଏକ ପ୍ରମୁଖ ଭୂମିକା ଥିଲା। ଏଭଳି ପରିସ୍ଥିତିରେ ଯେତେବେଳେ ଫିଲ୍ମର ଦ୍ୱିତୀୟ ଭାଗର ଟ୍ରେଲର ରିଲିଜ ହେଉଛି ସେତେବେଳେ ଫିଲ୍ମ ନିର୍ମାତାମାନେ ବିହାରକୁ ଅଣଦେଖା କରିବା ଠିକ ମନେ କଲେ ନାହିଁ।
ପାଟନାରେ ଏଭଳି ଏକ ବଡ଼ କାର୍ଯ୍ୟକ୍ରମ ଆୟୋଜନ କରିବାର ନିଷ୍ପତ୍ତି ସ୍ବତଃ ପ୍ରବୃତ୍ତ ନୁହେଁ। ୨୦୨୧ରେ ପୁଷ୍ପାର ବିପୁଳ ସଫଳତା ପରେ ମୁଖ୍ୟ ଅଭିନେତା ଅଲ୍ଲୁ ଅର୍ଜୁନ ପାନ୍-ଇଣ୍ଡିଆ ନାମରେ ପରିଚିତ ହେଲେ। ଅର୍ଥାତ୍ ପ୍ରଥମ ଥର ପାଇଁ ଏକ ତେଲଗୁ ଫିଲ୍ମ ସାରା ଭାରତରେ ବହୁଭାଷୀ ଭାଷାରେ ରିଲିଜ୍ ହୋଇଥିଲା। ଆଉ ଦର୍ଶକଙ୍କ ପାଖରେ ଆଦୃତ ଲାଭ କରିଥିଲା। ଏଥିରେ ଅଲ୍ଲୁ ଏତେ ଲୋକପ୍ରିୟତା ହାସଲ କଲେ ଯେ ସେ ଶ୍ରେଠେ ଅଭିନେତା ଭାବେ ଜାତୀୟ ପୁରସ୍କାର ଲାଭ କଲେ।