ବମ୍ବେ: ବଡ଼ ପରଦାରେ ‘ଗଦର ୨’ ଏବଂ ‘ଓଏମ୍ଜି ୨’ ପରେ ଦେଖିବାକୁ ମିଳିବ ଆଉ ଏକ ବଡ଼ ଟକ୍କର। ଆସନ୍ତା ବର୍ଷ ଅଗଷ୍ଟ ୧୫ରେ ରିଲିଜ ହେବ ଦୁଇ ବିଗ୍ ବଜେଟ୍ ଫିଲ୍ମ ‘ପୁଷ୍ପା ୨’ ଏବଂ ‘ସିଙ୍ଘମ ଏଗେନ୍’। ଦୁଇଟି ଯାକ ଫିଲ୍ମକୁ ଦର୍ଶକେ ଅପେକ୍ଷା କରି ରହିଥିବା ବେଳେ ଅଲ୍ଲୁ ଅର୍ଜୁନ ଭାରି ପଡ଼ି ପାରନ୍ତି ବୋଲି କୁହାଯାଉଛି।
ଅଲ୍ଲୁଙ୍କ ଫିଲ୍ମ ‘ପୁଷ୍ପା’କୁ ନେଇ ସାରା ଦେଶରେ ଜବରଦସ୍ତ କ୍ରେଜ୍ ଦେଖିବାକୁ ମିଳିଥିଲା। ଏବେ ରଶ୍ମିକା ମନ୍ଧାନାଙ୍କ ସହ ‘ପୁଷ୍ପା ୨’ ସହ ସେ ପୁଣିଥରେ ସିକୁଏଲ୍ରେ ନଜର ଆସିବେ।
ଅପରପକ୍ଷେ ଅଜୟ ଦେବଗନ ଏବଂ ଦୀପିକା ପାଦ୍ୟୁକୋନ୍ ଷ୍ଟାରର ‘ସିଙ୍ଘମ ଏଗେନ୍’ ଅଗଷ୍ଟ ୧୫ରେ ରିଲିଜ ହେବ। ସବୁଥର ଭଳି ସିଙ୍ଘମ ସିକୁଏଲ୍ ଦର୍ଶକଙ୍କୁ ଖୁବ୍ ହସାଇବ ବୋଲି ଆଶା କରାଯାଉଛି। ଏଭଳି ସ୍ଥିତିରେ କିଏ ବ୍ୟବସାୟରେ ବାଜି ମାରୁଛି ତାହା ଦେଖିବାକୁ ବାକି ରହିଲା।