ଲଣ୍ଡନ/ମସ୍କୋ, ୨୯।୫ : ରୁଷିଆ ରାଷ୍ଟ୍ରପତି ଭ୍ଲାଡ଼ିମିର ପୁଟିନ୍ଙ୍କ ମୃତ୍ୟୁ ଘଟି ସାରିଛି। ତାଙ୍କ ପରି ଦେଖାଯାଉଥିବା ଜଣେ ବ୍ୟକ୍ତିଙ୍କୁ ଜାଣିଶୁଣି କ୍ଷମତାରେ ରଖାଯାଇଛି। ଏଭଳି ଚାଞ୍ଚଲ୍ୟକର ତଥ୍ୟ ବ୍ରିଟିଶ୍ ଗୁପ୍ତଚର ସଂସ୍ଥା ଏମ୍ଆଇ-୧୬ର ଅଧିକାରୀମାନେ ପ୍ରକାଶ କରିଛନ୍ତି।
ଅଧିକାରୀମାନେ କହିଛନ୍ତି, ପୁଟିନ ରହସ୍ୟରେ ପରିପୂର୍ଣ୍ଣ ଜୀବନ ବିତାଉଛନ୍ତି। ତାଙ୍କ ବ୍ୟକ୍ତିଗତ ଜୀବନ, ସ୍ବାସ୍ଥ୍ୟ ଏବଂ ରଣନୀତି ବିଷୟରେ କେବଳ ଅଳ୍ପ ଲୋକ ଜାଣନ୍ତି। ବ୍ରିଟିଶ ଗୁପ୍ତଚର ଏଜେନ୍ସିର ମୁଖ୍ୟମାନେ ପୁଟିନଙ୍କ ବିଷୟରେ ଏଭଳି ଦାବି କରିବା lନେଇ ଅନ୍ତଜାର୍ତୀୟସ୍ତରରେ ସଭିଏଁ ଚକିତ ହୋଇ ଯାଇଛନ୍ତି। ରିପୋର୍ଟରେ ଅଧିକାରୀମାନେ କହିଛନ୍ତି ଯେ ପୁଟିନଙ୍କର ବୋଧହୁଏ ମୃତ୍ୟୁ ହୋଇ ସାରିଛି।
ବ୍ରିଟିଶ ଗୁପ୍ତଚର ଅଧିକାରୀଙ୍କ ଅନୁଯାୟୀ ପୁଟିନଙ୍କ ସହଯୋଗୀଙ୍କୁ ତାଙ୍କ ମୃତ୍ୟୁର ରହସ୍ୟକୁ ଅନେକ ସପ୍ତାହ କିମ୍ବା ମାସ ପର୍ଯ୍ୟନ୍ତ ଦୁନିଆଠାରୁ ଲୁଚାଇବାକୁ ପଡ଼ିବ। ଏକ ଗୁପ୍ତଚର ସୂତ୍ରରୁ ପ୍ରକାଶ ଯେ ପୁଟିନ ଜନସାଧାରଣଙ୍କ ନିକଟରେ ଉପସ୍ଥିତ ଥିବାର ଭିଡ଼ିଓ ହୁଏତ ପୂର୍ବରୁ ରେକର୍ଡ କରାଯାଇଛି। ଏନେଇ ଡେଲିଷ୍ଟାର ରିପୋର୍ଟ କରିଛି ଯେ, ସେ ବୋଧହୁଏ ମୃତ ଏବଂ ଜଣେ ସମାନ ଚେହେରାର ଲୋକ ତାଙ୍କ ସ୍ଥାନ ନେଇଛନ୍ତି।
ଡେଲିଷ୍ଟାରକୁ କେତେକ ଅଜଣା ସୂତ୍ରରୁ ସୂଚନା ମିଳିଛି ଯେ ପୁଟିନ ଅତ୍ୟଧିକ ଅସୁସ୍ଥ ଏବଂ ଯଦି ସେ ମରିଯାଆନ୍ତି ତେବେ ଏହାକୁ ଅନେକ ସପ୍ତାହ କିମ୍ବା ମାସ ପର୍ଯ୍ୟନ୍ତ ଗୁପ୍ତ ରଖାଯିବ। ପୂର୍ବରୁ ମଧ୍ୟ ତାଙ୍କର ମୃତ୍ୟୁ ଘଟିଥିବାର ସମ୍ଭାବନା ଅଛି। ଏହାର ସତ୍ୟ ଜାଣିବା ଅସମ୍ଭବ। ପୁଟିନ ଅସୁସ୍ଥ ଥିବାବେଳେ ତାଙ୍କ ଭଳି ଦେଖାଯାଉଥିବା ଜଣେ ବ୍ୟକ୍ତି କ୍ଷମତାରେ ରହିଥିବାର ଆଶଙ୍କା କରାଯାଉଛି। ସୂତ୍ରରୁ ପ୍ରକାଶ ଯେ ପୁଟିନ ତାଙ୍କ ଉପରେ ସମ୍ପୂର୍ଣ୍ଣ ବିଶ୍ୱସ୍ତ ଥିବା ବରିଷ୍ଠ ଅଧିକାରୀଙ୍କ ଏକ ଛୋଟ ଗୋଷ୍ଠୀ ସହିତ ରହିଛନ୍ତି।
ତାଙ୍କ ଘନିଷ୍ଠ ବନ୍ଧୁଙ୍କର ସବୁଠାରୁ ବଡ ଭୟ ହେଉଛି ପୁଟିନଙ୍କ ମୃତ୍ୟୁ ଖବର ପ୍ରଚାର ମାତ୍ରେ ରୁଷିଆରେ କ୍ଷମତା ଯୁଦ୍ଧ ହେବାର ଆଶଙ୍କା ରହିଛି। ତେଣୁ ପୁଟିନଙ୍କୁ ଜୀବନ୍ତ କହିବା ସେମାନଙ୍କ ଭଲ। ପ୍ରାୟ ଦୁଇ ସପ୍ତାହ ପୂର୍ବେ, ରୁଷିଆର ବିଲିୟନେୟାର ବ୍ୟବସାୟୀ ତଥା ଜଣେ ବିଶ୍ୱାସୀ ବ୍ୟକ୍ତି ପୁଟିନ ରକ୍ତ କର୍କଟ ହୋଇ ଥିବା ଏବଂ ସେ ଅତ୍ୟଧିକ ଅସୁସ୍ଥ ଥିବା କହିଥିଲେ। କେବଳ ଏତିକି ନୁହେଁ, ୟୁକ୍ରେନ ଆକ୍ରମଣ ପୂର୍ବରୁ ସେ ଅସ୍ତ୍ରୋପଚାର କରିଛନ୍ତି ବୋଲି ମଧ୍ୟ ସେ ସୂଚନା ପ୍ରଦାନ କରିଥିଲେ।