ମସ୍କୋ/କ୍ୱିଭ୍,୩।୩ : ୟୁକ୍ରେନ୍ ବିଜୟ ପରେ ଏହାର ଦାୟିତ୍ୱ ପଳାତକ ପୂର୍ବତନ ରାଷ୍ଟ୍ରପତି ଭିକ୍ଟର ୟାନୁକୋଓ୍ବିଚ୍ଙ୍କୁ ପ୍ରଦାନ କରିବାକୁ ରୁଷ୍ରିା ରାଷ୍ଟ୍ରପତି ବ୍ଲାଡିମୀର ପୁଟିନ୍ ଚିନ୍ତା କରୁଛନ୍ତି। ଭିକ୍ଟର ବର୍ତ୍ତମାନ ମିନସ୍କରେ ଅଛନ୍ତି ଏବଂ କ୍ରେମଲିନ ତାଙ୍କୁ ଏକ ସ୍ବତନ୍ତ୍ର ଅପରେଶନ ପାଇଁ ପ୍ରସ୍ତୁତ କରୁଥିବା ଚର୍ଚ୍ଚା ହେଉଛି।
ୟୁକ୍ରେନର ଗୁପ୍ତଚର ସଂସ୍ଥା ଏହି ସମ୍ଭାବନାକୁ ପ୍ରକାଶ କରିଛି। ୟୁକ୍ରେନସ୍କା ପ୍ରଭଡା ଏହାର ଏକ ରିପୋର୍ଟରେ କରିଛି ଯେ ପୁଟିନ୍ଙ୍କ ଯୋଜନା କ୍ରେମଲିନ ଭିକ୍ଟରଙ୍କୁ ’ୟୁକ୍ରେନର ରାଷ୍ଟ୍ରପତି’ ଘୋଷଣା କରିବାକୁ ଚେଷ୍ଟା କରିବ। ରିପୋର୍ଟରେ କୁହାଯାଇଛି ଯେ ପ୍ରାପ୍ତ ସୂଚନା ସୂଚାଇ ଦେଇଛି ଯେ ପୂର୍ବତନ ରାଷ୍ଟ୍ରପତି ଭିକ୍ଟରଙ୍କୁ ୟୁକ୍ରେନକୁ ଫେରାଇ ଆଣିବା କିମ୍ବା ନିକଟ ଭବିଷ୍ୟତରେ ୟୁକ୍ରେନବାସୀଙ୍କ ନିକଟରେ ଏକ ଆବେଦନ ପ୍ରକାଶ କରିବା ପାଇଁ କ୍ରେମଲିନ ଏକ ସୂଚନା ଅଭିଯାନ କିମ୍ବା କାର୍ଯ୍ୟ ପ୍ରସ୍ତୁତ କରୁଛି।
