ମସ୍କୋ,୩।୫: ୟୁକ୍ରେନ୍ ଉପରେ ରୁଷିଆର ଆକ୍ରମଣ ଜାରି ଥିବାବେଳେ ରାଷ୍ଟ୍ରପତି ଭ୍ଲାଡିମିର ପୁଟିନ୍ କ୍ୟାନ୍ସର ଚିକିତ୍ସା ପାଇଁ କିଛିଦିନ କ୍ଷମତାରୁ ଦୂରେଇ ରହିବା ନେଇ କ୍ରେମଲିନ୍ର ଭିତିରି ସୂତ୍ରରୁ ଜଣାପଡ଼ିଛି। ପୁଟିନ୍ଙ୍କ ଅସ୍ତ୍ରୋପଚାର ହେବାକୁ ଥିବାବେଳେ ସେ ପୂର୍ବତନ ସ୍ପାଏ ମୁଖ୍ୟ ତଥା ସିକ୍ୟୁରିଟି କାଉନ୍ସିଲ ମୁଖ୍ୟ ନିକୋଲାଇ ପେତ୍ରୁଶେଭ୍ଙ୍କୁ ୟୁକ୍ରେନ୍ ଆକ୍ରମଣ ଦାୟିତ୍ୱ ଦେବେ ବୋଲି ବ୍ରିଟିଶ ମିଡିଆରେ ପ୍ରକାଶିତ ରିପୋର୍ଟରେ ଦାବି କରାଯାଇଛି। ୭୦ ବର୍ଷୀୟ ପେତ୍ରୁଶେଭ୍ ପୁଟିନ୍ଙ୍କ ବେଶ୍ ନିକଟତମ ସହଯୋଗୀ। ପେତ୍ରୁଶେଭ୍ଙ୍କୁ ୟୁକ୍ରେନ୍ ଯୁଦ୍ଧର ରଣନୀତି ପ୍ରସ୍ତୁତକାରୀଙ୍କ ମଧ୍ୟରେ ଅନ୍ୟତମ ପ୍ରମୁଖ ବ୍ୟକ୍ତି। ୟୁକ୍ରେନ୍ରେ ନାଜିବାଦୀ ବିସ୍ତାର କରିଥିବା ନେଇ ସେ ହିଁ ପୁଟିନ୍ଙ୍କୁ ପ୍ରବର୍ତ୍ତାଇ ଥିଲେ। ପୁଟିନ୍ ପେଟ କ୍ୟାନ୍ସର ଏବଂ ପାର୍କିନସନ୍ ରୋଗରେ ପୀଡ଼ିତ ଥିବା ଅନ୍ତର୍ଜାତୀୟ ଗଣମାଧ୍ୟମଗୁଡ଼ିକରେ ରିପୋର୍ଟ ପ୍ରକାଶ ପାଇଛି।