ମସ୍କୋ, ୬।୩ : ୟୁକ୍ରେନ ବିରୋଧରେ ଯୁଦ୍ଧ କରିବା ପରେ ରୁଷିଆ ରାଷ୍ଟ୍ରପତି ବ୍ଲାଡିମୀର ପୁଟିନ ନିଜ ଦେଶରେ ମଧ୍ୟ କଡ଼ା ବିରୋଧର ସମ୍ମୁଖୀନ ହୋଇଛନ୍ତି। ଏପରିକି ଅନେକ ଛୋଟ ପିଲା ପୁଟିନଙ୍କ ବିରୋଧରେ ପ୍ରଦର୍ଶନ କରୁଛନ୍ତି। ଏପରିସ୍ଥଳେ, ନୂଆ ପିଢ଼ିଙ୍କୁ ବୁଝାଇବା ପୁଟିନ୍ କୌଶଳ ଅବଲମ୍ବନ କରିଛନ୍ତି। ଏହି ଯୁଦ୍ଧକୁ ଯଥାର୍ଥ ପ୍ରମାଣ କରିବା ପାଇଁ ପୁଟିନ ଦେଶବ୍ୟାପୀ ବିଭିନ୍ନ ବିଦ୍ୟାଳୟରେ ଏକ କାର୍ଯ୍ୟକ୍ରମ ଆରମ୍ଭ କରିଛନ୍ତି।
ଆମେରିକାର ଗଣମାଧ୍ୟମ ଜଣେ ପୂର୍ବତନ ଗୁପ୍ତଚର ଏଜେନ୍ସିର ଅଧିକାରୀ ରେବିକା କଫଲରଙ୍କ ଦ୍ୱାରା ପ୍ରଦାନ କରାଯାଇଥିବା ତଥ୍ୟ ଅନୁସାରେ କହିଛି ଯେ ରୁଷିଆର ବିଦ୍ୟାଳୟରେ ୟୁକ୍ରେନ ବିରୋଧରେ ଜାରି ରହିଥିବା ଲଢ଼େଇକୁ ଏକ ମୁକ୍ତି ଅଭିଯାନ ବୋଲି ବର୍ଣ୍ଣନା କରାଯାଉଛି। ଏଠାରେ ପିଲାମାନଙ୍କୁ ବୁଝାଯାଉଛି ଯେ ରୁଷିଆର ୟୁକ୍ରେନ ଉପରେ ଆକ୍ରମଣ ହେଉଛି ଡୋନାବାସର ଲୋକଙ୍କୁ ନରସଂହାରରୁ ରକ୍ଷା କରିବା ଲାଗି ଏକ ସ୍ବାଧୀନତା ଅଭିଯାନ।
ୟୁକ୍ରେନ ଉପରେ ରୁଷିଆର ଆକ୍ରମଣ ସମ୍ପର୍କରେ ଶିକ୍ଷା ମନ୍ତ୍ରଣାଳୟ ଓପନ ଲେନ୍ସ ନାମକ ଏକ ଦେଶବ୍ୟାପୀ କାର୍ଯ୍ୟକ୍ରମ ଆରମ୍ଭ କରିଛି। ଏହି କାର୍ଯ୍ୟକ୍ରମ ଅନ୍ତର୍ଗତରେ ପିଲାମାନଙ୍କୁ ଭିଡିଓ ମାଧ୍ୟମରେ ବୁଝା ଯାଉଛି। ରୁଷିଆର ଶିକ୍ଷା ମନ୍ତ୍ରଣାଳୟର ଫେସବୁକ ପୋଷ୍ଟରେ କୁହାଯାଇଛି ଯେ ୟୁକ୍ରେନରେ ଏକ ମୁକ୍ତି ମିଶନର ଆବଶ୍ୟକତା କାହିଁକି ରହିଥିଲା ତାହା ସ୍କୁଲ ପିଲାମାନଙ୍କୁ କୁହାଯିବ।
ଶିକ୍ଷା ମନ୍ତ୍ରଣାଳୟର ଫେସବୁକ ପୋଷ୍ଟରେ କୁହାଯାଇଛି ଯେ ନାଟୋ ରୁଷିଆ ପ୍ରତି କଣ ବିପଦ ସୃଷ୍ଟି କରୁଛି ଏବଂ କାହିଁକି ଡୋନେଟସ୍କ ଏବଂ ଲୁହାନସ୍କର ଲୋକଙ୍କୁ ସୁରକ୍ଷା ଯୋଗାଇ ଦିଆଯାଉଛି ତାହା ପିଲାମାନଙ୍କୁ କହିବାର ଆବଶ୍ୟକତା ରହିଛି।