ଆଚାର୍ଯ୍ୟ ଚାଣକ୍ୟ ନିଜ ନୀତିଶାସ୍ତ୍ରରେ ମନୁଷ୍ୟ ଜୀବନ ସହ ଜଡ଼ିତ ଅନେକ ପ୍ରସଙ୍ଗ ଉପରେ ବର୍ଣ୍ଣନା କରିଛନ୍ତି। ସେସବୁକୁ ଜୀବନରେ ପ୍ରୟୋଗ କଲେ ସୁଖଶାନ୍ତିରେ ଦିନ ବିତିଥାଏ। କୌଣସି ସମସ୍ୟା ପାଖ ମାଡ଼ି ନ ଥାଏ। ତେବେ ଚାଣକ୍ୟ ନିଜର ଗୋଟିଏ ନୀତିରେ ଘରର ମୁଖ୍ୟ କେଉଁଭଳି ହେବା ଉଚିତ ତାହା ବର୍ଣ୍ଣନା କରିଛନ୍ତି। ଆସନ୍ତୁ ଜାଣିବା:
-ଯାହାର ଭାଇ-ବନ୍ଧୁଙ୍କ ସହ ଭଲ ସମ୍ପର୍କ ଥିବ
ଚାଣକ୍ୟ କୁହନ୍ତି ନିଜ ଭାଇବନ୍ଧୁଙ୍କ ସହ ଭଲ ସମ୍ପର୍କ ରଖିବାର ଦାୟିତ୍ୱ ଘରର ମୁଖ୍ୟଙ୍କର। ଯଦି ସେ ଏଥିରେ ବିଫଳ ହୁଅନ୍ତି ତେବେ ପରିବାରରେ ଅଶାନ୍ତି ଖେଳିଯାଏ। ଏଣୁ ସମସ୍ତଙ୍କୁ ସାଙ୍ଗରେ ନେଇ ଚାଲିବାର ଗୁଣ ତାଙ୍କ ଭିତରେ ରହିବା ଉଚିତ।
-ଖାଦ୍ୟର ସମ୍ମାନ କରିବା:
ଚାଣକ୍ୟ କୁହନ୍ତି ପରିବାରରେ ବଡ଼ ଲୋକଙ୍କୁ ଦେଖି ଛୋଟ ପିଲା ଶିଖିଥାନ୍ତି। ଏଥିଲାଗି ଘରର ମୁଖ୍ୟ କେବେ ବି ଅନ୍ନ ନଷ୍ଟ କରିବା ଉଚିତ ନୁହେଁ। କାରଣ ଆପଣ ସେଭଳି କଲେ ପିଲାମାନେ ତାହା ଶିଖିବେ। ଫଳରେ ଘରୁ ସୁଖସମୃଦ୍ଧି ଦୂର ହୋଇଯିବ। ନିଜେ ଅନ୍ନର ସମ୍ମାନ କରିବା ସହ ଅନ୍ୟମାନଙ୍କୁ ମଧ୍ୟ ଏହି ଶିକ୍ଷା ଦିଅନ୍ତୁ।
-ପରିବାରର ସମସ୍ତ ସଦସ୍ୟଙ୍କ ସହ କଥା ହୁଅନ୍ତୁ:
ଚାଣକ୍ୟ କୁହନ୍ତି ଯିଏ ମୁଖ୍ୟ ସେ ପରିବାରର ସମସ୍ତ ସଦସ୍ୟଙ୍କ ସହ କଥା ହେବା ଉଚିତ। ସେ ଏଭଳି ସ୍ବଭାବର ହେଲେ ଅନ୍ୟମାନେ ତାଙ୍କୁ ନିଜର ସମସ୍ୟା କହିବେ। ଫଳରେ ଏକାସହ ବସି ସମାଧାନ ବାହାର କରିହେବ।
-ଅଯଥା ଖର୍ଚ୍ଚ କରନ୍ତୁ ନାହିଁ:
ଚାଣକ୍ୟ କୁହନ୍ତି ପରିବାରର ମୁଖ୍ୟ ସର୍ବଦା ପରିବାର ଏବଂ ପିଲାମାନଙ୍କ ଭବିଷ୍ୟତ ବିଷୟରେ ଚିନ୍ତା କରିବା ଉଚିତ। ଭବିଷ୍ୟକୁ ନେଇ ଯୋଜନା ପ୍ରସ୍ତୁତ କରିବା ଉଚିତ। ଯଥାସମ୍ଭବ ସେ ଅଯଥା ଖର୍ଚ୍ଚରୁ ଦୂରରେ ରହିବା ଉଚିତ। ଫଳରେ ଭବିଷ୍ୟତ ପୀଢ଼ି ଲାଗି ସଞ୍ଚୟ କରିହେବ ବୋଲି ସେ କହିଛନ୍ତି।
