ଭୁବନେଶ୍ୱର,୨୫ା୨: ଦେଶର ସର୍ବପୁରାତନ ଆୟୁର୍ବେଦ କମ୍ପାନୀ ଓଜୋନ୍ ଫାର୍ମାସ୍ୟୁଟିକାଲର ପ୍ରମୁଖ ବ୍ରାଣ୍ଡ୍ କୁଇକ୍ର ନୂତନ ଉତ୍ପାଦର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଥିଲା। ଏହି ପରିପ୍ରେକ୍ଷୀରେ କମ୍ପାନୀ ଓଡ଼ିଶା ୟୁନିଟ୍ ପକ୍ଷରୁ ଶୁକ୍ରବାର ଏକ ଖବରଦାତା ସମ୍ମିଳନୀର ଆୟୋଜନ କରାଯାଇଥିଲା। ଉକ୍ତ ସମ୍ମିଳନୀରେ ଯୋଗଦେଇ କମ୍ପାନୀ ନିର୍ଦ୍ଦେଶକ କରଣ ସେହେଗଲ ନୂତନ ଉତ୍ପାଦ ସମ୍ପର୍କରେ ବିସ୍ତୃତ ଆଲୋକପାତ କରିଥିଲେ। ବିଶେଷକରି ବର୍ତ୍ତମାନ ସମୟରେ ଗଣ୍ଠିବ୍ୟଥା, ଆଣ୍ଠୁ ଦରଜ, କମର ଦରଜ ଭଳି ଅନେକ ଯନ୍ତ୍ରଣାଜନିତ ସମସ୍ୟାରେ ସନ୍ତୁଳି ହେଉଛନ୍ତି। ଉକ୍ତ ସମସ୍ୟାର ସମାଧାନ ସାଙ୍ଗକୁ ରୋଗୀଙ୍କୁ ଯନ୍ତ୍ରଣାରୁ ମୁକ୍ତ କରାଇବାରେ ଏହା ବେଶ୍ ସହାୟକ ହେବ ବୋଲି ସେ ମତପ୍ରକାଶ କରିଛନ୍ତି। ସେହିପରି କମ୍ପାନୀର ଅନେକ ଉତ୍ପାଦ ସବୁ ବର୍ଗର ରୋଗୀଙ୍କ ପସନ୍ଦର ଔଷଧ ବୋଲି ଜଣାପଡିଛି। କାରଣ କମ୍ପାନୀ ଗୁଣବତ୍ତା, ଗୁଣାତ୍ମକ ଓ ଉପଯୁକ୍ତ ସେବା ଓ ସୁବିଧା ରୋଗୀଙ୍କୁ ଯୋଗାଇବା ସହ ଔଷଧର ଶତପ୍ରତିଶତ ନିର୍ଭରଶୀଳତାର ପ୍ରତିଶ୍ରୁତି ଦେଇଥାଏ ବୋଲି ସେହେଗଲ କହିଛନ୍ତି। ସୂଚନାଯୋଗ୍ୟ, କମ୍ପାନୀର କୁଇକ୍ ଅଏଲଠାରୁ ଆରମ୍ଭ କରି ମଲମ ଏବଂ ସ୍ପ୍ରେ ବଜାର ସର୍ବାଧିକ ଚାହିଦା ଓ ବିକ୍ରି ହେଉଥିବା ଉତ୍ପାଦରେ ପରିଗଣିତ ହେଉଛି।
