ଝାରସୁଗୁଡ଼ା ଅଫିସ୍,୨୩।୪: ଝାରସୁଗୁଡ଼ା ସହର ବେହେରାମାଲସ୍ଥିତ ରାଧାମାଧବଙ୍କ ମନ୍ଦିର ପ୍ରତିଷ୍ଠା ଏବଂ ବିଗ୍ରହ ସ୍ଥାପନ ମହୋତ୍ସବ ସମାରୋହରେ ଅନୁଷ୍ଠିତ ହୋଇଯାଇଛି। ମହୋତ୍ସବ ରାଧାମାଧବ ସଂଘ ତରଫରୁ ଆୟୋଜିତ ହୋଇଥିଲା। ପ୍ରଥମ ଦିନ ସ୍ଥାନୀୟ ପୋଖରୀରୁ ମହିଳାମାନେ ୧୦୮ କଳସରେ ଜଳ ଆଣି ଯଜ୍ଞମଣ୍ଡପରେ ସ୍ଥାପନ କରିଥିଲେ। ଏହି ଦିବସରେ ଅଙ୍କୁର ରୋପଣ, ମଙ୍ଗଳ ରୋପଣ, କଳସ ଯାତ୍ରା ଓ ମଣ୍ଡଳ କରଣ ଆଦି ପୂଜା କାର୍ଯ୍ୟ ହୋଇଥିଲା। ଦ୍ୱିତୀୟ ଦିନ ମଙ୍ଗଳବାର ମଣ୍ଡପ ପୂଜନ, ସ୍ତମ୍ଭ ପୂଜନ, ମଣ୍ଡପ ଦେବତା ଆବାହାନ, ଯୁଗ ସ୍ନାନ, ଯୁଗ ପ୍ରବେଶ, ଅନ୍ନାଧିବାସ ଆଦି ପୂଜା କାର୍ଯ୍ୟ ହୋଇଥିଲା। ତୃତୀୟ ଦିନ ବୁଧବାର ମୂର୍ତ୍ତିସ୍ନାନ, ପ୍ରାଣ ପ୍ରତିଷ୍ଠା, ଷୋଡଶ ଉପଚାର ପୂଜା, ଗୀତା ହୋମ୍ ଆଦି କାର୍ଯ୍ୟ ହୋଇଥିଲା ା ଚତୁର୍ଥ ଦିନ ଗୁରୁବାର ଭଗବାନ ଷୋଡଶ ଉପଚାର ପୂଜା, ଶିଖର ସ୍ନାନ, ମନ୍ଦିର ଦାରୁ ପୂଜା ଆଦି ହୋଇଥିଲା। ପଞ୍ଚମ ଦିନ ଶୁକ୍ରବାର ଆବାହିତ ଦେବାଦେବୀ ପୂଜା, ଧ୍ୱଜା ତ୍ରୀଶୁଳ ପୂଜା, ହୋମ ଯଜ୍ଞ, ଶିଖର କଳମ ଓ ଯୁଗ ସ୍ଥାପନ, ବିଗ୍ରହ ପ୍ରବେଶ, ପୂର୍ଣ୍ଣାହୁତି, ଦେବତା ବିସର୍ଜନ ଆଦି ପୂଜା କାର୍ଯ୍ୟ ସମ୍ପାଦନ ହୋଇଥିଲା। ତୁଳେଶ୍ୱର ଚୌଧୁରୀ ତାଙ୍କର ସ୍ତ୍ରୀ ବେଦମତୀ, ପ୍ରଦୀପ ସାହା ତାଙ୍କର ସ୍ତ୍ରୀ ଭାରତୀ, ରଣଜିତ୍ ତ୍ରିପାଠୀ ତାଙ୍କର ସ୍ତ୍ରୀ ପ୍ରୀୟଦର୍ଶିନୀ, ଜ୍ୟୋତିର୍ମୟ ରାଉତ ତାଙ୍କର ସ୍ତ୍ରୀ ତୃପ୍ତୀମୟୀ, ଶୈଳେନ୍ଦ୍ର ନାୟକ ତାଙ୍କର ସ୍ତ୍ରୀ କଳ୍ପନା କର୍ତ୍ତା ଭାବେ ରହି ପୂଜାକାର୍ଯ୍ୟ ସମ୍ପାଦନା କରିଥିଲେ। ରାଧାମାଧବଙ୍କ ପ୍ରତିଷ୍ଠା ଉତ୍ସବରେ ଆଖପାଖ ଅଞ୍ଚଳର ଶ୍ରଦ୍ଧାଳୁଙ୍କ ସମାଗମ ହୋଇଥିଲା।
ସୁନ୍ଦରଗଡର ମୁଖ୍ୟ ପୂଜକ ଆଚାର୍ଯ୍ୟ ସୁମିତ ଦାଶ, ଜନାର୍ଦ୍ଦନ ପଣ୍ଡା, ସୁଧିର ଦାଶ, ସିଦ୍ଧେଶ୍ୱର ମହାପାତ୍ର, ସୁଧିର ମହାପାତ୍ର ଓ କାହ୍ନା ପାଣିଗ୍ରାହୀ ପ୍ରମୁଖ କାର୍ଯ୍ୟ କରିଥିଲେ । ଗ୍ରୀଷ୍ମପ୍ରବାହକୁ ଦୃଷ୍ଟିରେ ରଖି ସଂଘ ପକ୍ଷରୁ ଶ୍ରଦ୍ଧାଳୁଙ୍କ ପାଇଁ ପାନୀୟଜଳ ଓ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା। ଏହି ଅବସରରେ ଶନିବାରରୁ ଅଖଣ୍ଡ ନାମଯଜ୍ଞ ଆରମ୍ଭ ହୋଇ ଆସନ୍ତା ବୁଧବାର ଏହାର ସମାପନ ହେବ ବୋଲି ଜଣାପଡିଛି। ସଂଘ ସଭାପତି ଓମ୍ ପ୍ରକାଶ ତ୍ରିପାଠୀ, ଦେବରାଜ ମହାରଣା, ସୁନିଲ ବାରିକ, ରମେଶ ରାଉତ, ମୋହନ କର୍ତା, ଅଜିତ ମେହେର ଓ ଅନିଲ ଭଇଁସା ପ୍ରମୁଖ କର୍ମକର୍ତ୍ତା ସହଯୋଗ କରୁଛନ୍ତି।