ସାଉଥ ଇଣ୍ଡଷ୍ଟ୍ରି ସୁପରଷ୍ଟାର ପ୍ରଭାସଙ୍କ ବହୁ ପ୍ରତୀକ୍ଷିତ ଫିଲ୍ମ ‘ରାଧେ ଶ୍ୟାମ’ ଆଜି ମୁକ୍ତିଲାଭ କରିଛି। ଏହି ଫିଲ୍ମକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଥିବା ବେଳେ ଆଗରୁ ଟିକେଟ୍ ବୁକିଂ ମଧ୍ୟ ହୋଇଥିଲା। ଫିଲ୍ମ ରିଲିଜ ହେବା ପୂର୍ବରୁ ମଧ୍ୟ ହିଟ୍ ବୋଲି କୁହାଯାଉଥିଲା । କେବଳ ଏତିକି ନୁହେଁ, ପ୍ରଶଂସକମାନେ ଫିଲ୍ମ ସହିତ ଜଡିତ ପ୍ରତ୍ୟେକ ଅପଡେଟ୍ ଉପରେ ନଜର ରଖୁଥିଲେ। ପ୍ରଥମ ଦିନରେ ଯେଉଁମାନେ ଫିଲ୍ମ ଦେଖିଥିଲେ ସମାନେ ସୋସିଆଲ ମିଡିଆ ମାଧ୍ୟମରେ ଫିଲ୍ମ ଉପରେ ନିଜର ମତ ରଖିଛନ୍ତି। ଟୁଇଟ୍ କରି ନିଜ ମତ ଦର୍ଶକ ଜଣାଇଛନ୍ତି।
ବାସ୍ତବରେ ପ୍ରଭାସ ଏବଂ ପୂଜା ହେଗଡେଙ୍କ ଫିଲ୍ମ ‘ରାଧା ଶ୍ୟାମ’କୁ ଦର୍ଶକଙ୍କ ମିଶ୍ରିତ ପ୍ରତିକ୍ରିୟା ମିଳିଛି। ଅନେକ ଲୋକ ଫିଲ୍ମକୁ ଖରାପ ବୋଲି କହିଥିବା ବେଳେ କେହି କେହି ଭଲ ବୋଲି ମଧ୍ୟ କହିଛନ୍ତି। କେତେକ ଦର୍ଶକମାନେ ଫିଲ୍ମରେ ଅନେକ ତ୍ରୁଟି ଦର୍ଶାଇଥିବାବେଳେ କେତେକ ଫିଲ୍ମକୁ ଭଲ ବୋଲି ମଧ୍ୟ କହିଛନ୍ତି। ଜଣେ ୟୁଜର୍ସ ଲେଖିଛନ୍ତି,ଫିଲ୍ମ ଫାଷ୍ଟ ପାର୍ଟରେ ଭଲ ଲାଗୁଛି ହେଲେ ସେକେଣ୍ଡରେ ନିରାଶ କରିଦେଇଉଛି।
ଏଥିସହ ଜଣେ ୟୁଜର୍ସ ଲେଖିଛନ୍ତି, ‘ରାଧେ ଶ୍ୟାମ’ ଏକ ଫ୍ଲପ ଫିଲ୍ମ। ପ୍ରଭାସଙ୍କ ହିନ୍ଦୀ ଡବିଂ ସବୁଠାରୁ ଖରାପ ଅଟେ। ହିନ୍ଦୀରେ ସାଉଥ ଫିଲ୍ମ ଡବିଂ ନକରିବା ବିଷୟରେ ମଧ୍ୟ ଲେଖିଛନ୍ତି। ଏହା ବ୍ୟତୀତ ଅନ୍ୟ ଜଣେ ଉପଭୋକ୍ତା ଏହି ଫିଲ୍ମକୁ ଡିଜାଷ୍ଟର ବୋଲି ମଧ୍ୟ କହିଛନ୍ତି। ତେବେ ଅନେକ ପ୍ରଶଂସକ ମଧ୍ୟ ଏହି ଫିଲ୍ମ ପ୍ରଶଂସା କରିଛନ୍ତି। ଜଣେ ପ୍ରଶଂସକ ‘ରାଧା ଶ୍ୟାମ’କୁ ଶ୍ରେଷ୍ଠ କ୍ଲାସିକ ଫିଲ୍ମ ଭାବରେ ବର୍ଣ୍ଣନା କରିଛନ୍ତି ।